Prof.Tefik Durmishi kandidat i PSK-së për kryetar të komunës së Podujevës

Podujevë, 20 gusht 2009
Dega e Partisë Socialiste të Kosovës në Podujevë të enjten ka kandiduar për kryetar të kësaj komune prof.Tefik Durmishin.
Sekretari i PSK-së në Podujevë, Behxhet Shabani, pasi shpalli kandidaturën e prof.Tefik Durmishit për kryetar të komunës së Podujevës në zgjedhjet lokale 2009, tha se kandidatura e prof.Tefik Durmishit është propozuar nga dega e Podujevës, ndërsa ka marrë mbështetjen e organeve qendrore të PSK-së.
Tefik Durmishi studimet i përfundoi në Universitetin e Prishtinës në degën Gjuhë dhe letërsi shqipe. Qysh në moshën e re kyçet në jetën politike ilegale. Në vitin 1992 fillon të përndjekjet nga policia serbe, për shkak të veprimtarisë së tij. Durmishi udhëheq Partinë Socialiste në Podujevë dhe punon si mësimdhënës, tha sekretari Shabani.

Prof.Tefik Durmishi, tha se i jam mirënjohës Partisë Socialiste në Podujevë dhe qendër, që më kanë besuar këtë detyrë të rëndësishëm që të jem kandidat për kryetar komune. Kandidimi për kryetar komune është një sfidë e madhe, por besoj se do të fitoj besimin e popullit, sepse jam i përkushtuar që të krijojë mundësi për zgjidhjen e problemeve që na preokupojnë, e siç e dimë, ka shumë probleme që kërkojnë zgjidhje.
Për krijimin e mundësive për zgjidhjen e problemeve kam pranë veti ekspertët e të gjitha fushave, të cilët tashmë veç janë duke hartuar projektin për qeverisjen e komunës.
Në këtë detyrë të rëndësishëm do t’i vë vetës si ligj përmirësimin e jetës së qytetarëve, që të mos zhgënjehen në personalitetin tim dhe partinë që përfaqësojë.

Sot e ndiej vetën edhe më të fortë dhe më të sigurt, kur shoh pranë vetes edhe kolegët e mi mësimdhënës, tha në fund Tefik Durmishi, kandidat për kryetar të komunës së Podujevës.

I jam mirënjohës Partisë Socialiste në Podujevë dhe qendër, që më kanë besuar këtë detyrë të rëndësishëm që të jem kandidat për kryetar komune. Kandidimi për kryetar komune është një sfidë e madhe, por besoj se do të fitoj besimin e popullit, sepse jam i përkushtuar që të krijojë mundësi për zgjidhjen e problemeve që na preokupojnë, e siç e dimë, ka shumë probleme që kërkojnë zgjidhje.
Për krijimin e mundësive për zgjidhjen e problemeve do të kem pranë veti ekspertët e të gjitha fushave, të cilët tashmë veç janë duke hartuar projektin e komunës.
Në këtë detyrë të rëndësishëm do t’i vu vetës si ligj përmirësimin e jetës së qytetarëve, që të mos zhgënjehen në personalitetin tim dhe partinë që përfaqësojë.
Sot e ndiej vetën më të fortë dhe të sigurt, kur shoh pranë meje edhe kolegët e mi mësimdhënës, tha në fund Tefik Durmishi, kandidat për kryetar të komunës së Podujevës.

Ndërkaq, kryetari i Partisë Socialiste të Kosovës Emrush Xhemajli pasi e përgëzoi prof.Tefik Durmishin për kandidaturën e tij për kryetar të komunës së Podujevës dhe se në fillim dua të sqaroj se Partia Socialiste do të dalë e vetme në zgjedhjet lokale të 15 nëntorit 2009.
Ai tha se Partia Socialiste është duke caktuar kandidatët për kryetar në të gjitha komunat e Kosovës. Pas informimit me kandidaturat në Prizren dhe Mitrovicë, sot po njoftojmë opinionin edhe për kandidaturën në Podujevë. Përndryshe, tha Xhemajli, ne i kemi përgatitur kandidatët për zgjedhje në të gjitha komunat.
“Ne kërkojmë vendosjen e kamerave në vendvotime dhe në vendnumërimin e votave gjatë zgjedhjeve lokale 2009. Për këtë kemi deponuar shkresën zyrtare në KQZ. Subjektet që nuk i duan kamerat prezente, PDK dhe LDK, nuk mund të flasin për transparencë. Ato e duan ujin e turbullt për të zënë peshqit më lehtë”, tha kryetari Xhemajli.
Xhemajli kërkoi pastrimin e listave zgjedhore në mënyrë që të hiqen nga listat të vdekurit dhe ata që është konstatuar se nuk janë qytetar të Kosovës.

Nga Presidenti i vendit, Xhemajli kërkoi që jo vetëm të deklarohet se do të respektojë Kushtetutën dhe nuk do të merr pjesë në fushatën zgjedhore, por edhe t’i përmbahet në praktikë kësaj deklarate.

Ai kërkoi që PSK përveç vëzhguesve të ketë komisionerë në vendvotime.
Në punën tonë në komuna ne do të llogarisim gjithmonë në ruajtjen e ambientit, zgjerimin e hapësirave të gjelbëruara, favorizimin e shtresave të punonjësve në komunë dhe banorëve në nevojë. Njeriun do ta kemi në qendër të vëmendjes, u zotua kryetari i PSK-së Emrush Xhemajli.

Mr.Rexhep Ahmeti kandidat i PSK-së për kryetar të komunës së Mitrovicës

Dega e Partisë Socialiste të Kosovës në Mitrovicë në një takim të mbajtur sot, në të cilin mori pjesë edhe kryetari i PSK-së Emrush Xhemajli dhe drejtori ekzekutiv i partisë, Dritëro Kadolli, ka shpallur kandidaturën për kryetar të kësaj komune.
Kryetari i PSK në Mitrovicë, Ismet Kadriu, tha se Dega në bashkëpunim me Qendrën, kanë vendosur që kandidat i Partisë Socialiste të Kosovës për kryetar të komunës së Mitrovicës të jetë magjistri i shkencave juridike Rexhep Ahmeti.
z.Rexhep Ahmeti ka të kryera dy fakultete: Fakultetin Filozofik, drejtimi filozofi-sociologji dhe Fakultetin Juridik.
Si pjesëmarrës në luftën çlirimtare të UÇK-së ai ishte dhe anëtar i Sektorit për Moral dhe Politikë në kuadër të Shtabit të Zonës Operative të Shalës.
Mr. Rexhep Ahmeti, punon në Ministrinë e Administratës Publike.

Mr.Rexhep Ahmeti, tha se “i jam mirënjohës Partisë Socialiste në Mitrovicë dhe Kryesisë së PSK-së që më kanë nderuar me këtë kandidaturë të sotme, duke më dhënë kështu mundësinë që të dal publikisht para qytetarëve të nderuar të Mitrovicës dhe t’u ofrojë kontratën time për ta drejtuar së bashku me ta Komunën e Mitrovicës dhe jetën e përbashkët këtu.”
Programi i PSK-së na jep mundësi të shkëlqyeshme që ta bëjmë jetën e qytetarëve tanë të shumëvuajtur më të mirë se që është tani, tha kandidati për kryetar të komunës së Mitrovicës Rexhep Ahmeti.

Dega e Partisë Socialiste të Kosovës në Prizren ka kandiduar për kryetar të kësaj komune prof.Skënder Berishën. Kryetari i PSK-së në Prizren, Ilaz Kadolli, pasi shpalli kandidaturën e prof.Skënder Berisha për kryetar të komunës së Prizrenit në zgjedhjet lokale 2009, tha se kandidatura e prof.Skënder Berisha është mbështetur nga dega e Prizrenit në mënyrë unanime, por ka marrë edhe mbështetjen e organeve qendrore të PSK-së.
Prof.Skënder Berisha deklaroi se ndihet i nderuar që është propozuar për kandidat për kryetar të koumunës së Prizrenit nga PSK dhe se me dëshirën më të madhe e ka pranuar këtë propozim që i është bërë nga PSK.
''Në Partinë Socialiste të Kosovës kam aderuar më 30 maj 2009 dhe aty kam gjetur bashkëveprimtarët e mi të hershëm dhe ndihem shumë mirë mes tyre. Kam hyrë në garë sepse qytetit të Prizrenit i duhet një qeverisje ndryshe ngaqë janë mësuar ta kenë deri më tani qytetarët e tij, i bindur se do të jem gjithmonë pranë nevojave të qytetarëve dhe gjithherë në shërbimin e tyre'', tha prof.Skënder Berisha.
Ndërkaq, kryetari i Partisë Socialiste të Kosovës Emrush Xhemajli e përgëzoi kandidimin e prof.Skënder Berisha për kryetar të komunës së Prizrenit dhe mes tjerash tha se PSK po respekton rregullat dhe ligjin për zgjedhjet, të cilit i detyrohen të gjitha subjektet politike që veprojnë në Kosovë, duke kandiduar dhe mbështetur propozimin e bazës për kandidatët të cilët do të garojnë dhe të cilët do t'i përfaqësojnë në zgjedhje, gjë që subjektet tjera asnjëherë nuk e kanë bërë dhe nuk po e bëjnë edhe këtë radhë. Ai tha se nën udhëheqjen e prof. Skënder Berisha qyteti i Prizrenit dhe qytetarët e tij do të përfitojnë shumë më shumë seç kanë përfituar nga pushtetet e deritashme.