PSE TË PRIVATIZOHET MONOPOLI?

• Naim Rrustemi, deputet i PDK-së në Kuvendin e Kosovës

Deputetët e Kuvendit të Kosovës, më 12 dhjetor, kanë shqyrtuar rekomandimet e Komisionit për Ekonomi, Tregti, Industri, Energjetikë, Transport dhe Telekomunikacion lidhur me vendimin e Qeverisë së Kosovës për fillimin e procedurave të privatizimit të distribuimit dhe furnizimit të Korporatës Energjetike të Kosovës (KEK). Mënyra e privatizimit të njësive të KEK-ut është komentuar nga shumë deputetë nga të gjitha grupet parlamentare.
Naim Rrustemi, deputet i PDK-së, tha se para se të fillohet me procesin e privatizimit të distribuimit dhe furnizimit duhet filluar me fazën e para-privatizimit, e cila do të kish siguruar përgjigje në pyetjet:
PSE TË PRIVATIZOHET,
ÇKA TE PRIVATIZOHET, dhe
SI TE PRIVATIZOHET

Lexo të plotë

---

SHBA: Mbështetje EULEX-it dhe integritetit territorial të Kosovës

E mërkurë, 10 dhjetor 2008

Qeveria amerikane ka përshëndetur shtrirjen e EULEX-it në gjithë Kosovën, duke ritheksuar edhe njëherë mbështetjen për integritetin territorial të saj.
"Shtetet e Bashkuara të Amerikës mirëpresin shtrirjen më 9 dhjetor në gjithë Kosovën të misionit të rendit dhe ligjit në Kosovë (EULEX) ", thuhet në kumtesën e dhënë nga zëdhënësi i Departamentit të Shtetit, Sean McCormack.
"SHBA ritheksojnë mbështetjen për EULEX-in dhe janë krenare që mund të kontribuojnë me personel në këtë mision", thekson më tej kumtesa.
Në misionin evropian Amerika do të kontribuojë me një kontingjent prej 80 vetash, që do të jenë policë, gjyqtarë, dhe prokurorë.
"Jemi të zotuar për Misionin e EULEX-it dhe forcimin e institucioneve të ligjit në gjithë Kosovën nga të cilat përfitojnë të gjitha komunitetet, duke promovuar integritetin territorial dhe stabilitetin në rajon", theksohet në kumtesën e qeverisë amerikane.

Plassnik: EULEX - kapitull i ri për Kosovën

E mërkurë, 10 dhjetor 2008

Ish-shefja e diplomacisë austriake, Ursula Plashnik ka deklaruar se shtrirja e misionit të Bashkimit Evropian, EULEX, paraqet kapitull të ri për Kosovën dhe banorët e saj.
"Ky është një hap i rëndësishëm në drejtim të evropianizimit të Kosovës, në drejtim të standardeve ligjore evropiane”, ka thënë Pllashnik, me rastin e fillimit të operimit të këtij misioni në Kosovë.

Solana nuk dëshiron ta lidhë Kosovën me integrimin e Serbisë në BE

E mërkurë, 10 dhjetor 2008

Përfaqësuesi i lartë për politikë të jashtme dhe siguri i BE-së, Havier Solana, ka deklaruar se ka ardhur koha që Serbia të nisë me shpejtësi rrugën drejt integrimit evropian. Solana nuk ka dashur t’i përgjigjet pyetjes nëse Serbia do ta pranojë Kosovën e pavarur si një nga parakushtet për integrim të saj në BE.
“Të gjitha vendet e Ballkanit kanë perspektivë të qartë. Çështja e Kosovës në raport me Serbinë është lënë të shqyrtohet për një fazë të më vonshme të këtij procesi, ngase Serbia pa dyshim se do të bëjë gjithçka që të arrijë hapat e shpejtë të integrimit”, ka thënë Solana.

Ahtisarit iu dorëzua Çmimi Nobel për paqe

E mërkurë, 10 dhjetor 2008

Ish-presidentit finlandez, Marti Ahtisari, sot iu dorëzua Çmimi Nobel për paqe për vitin 2008.
Ahtisari këtë çmim e mori për punën e tij prej tri dekadash për paqe në mbarë botën, përfshirë Kosovën, Namibinë dhe Indonezinë.
Më 17 shkurt, Kosova e shpalli pavarësinë në bazë të planit të tij.
Ceremonia e dorëzimit u bë në Oslo të Norvegjisë.

Norvegjia ndihmon arsimin tonë me 7 milionë euro

E mërkurë, 10 dhjetor 2008

Ambasadori i Norvegjisë në Kosovë, Sven Johan Kvale dhe ministri i Arsimit, Shkencës dhe Teknologjisë, Enver Hoxhaj nënshkruan sot një memorandum mirëkuptimi për bashkëpunim të ndërsjellë në fushën e arsimit. Në bazë të kësaj marrëveshjeje do të ndërtohen dy shkolla të mesme profesionale - në Malishevë dhe në Skënderaj. Vlera e përgjithshme e këtij investimi të përbashkët do të jetë deri në 8 milion euro. Prej tyre 7 milionë euro do të jenë nga Norvegjia dhe rreth 1 milion e 200 mijë euro nga ata kosovarë që do të investohen nëpërmjet Ministrisë së Arsimit të Kosovës.
Norvegjia investon në Kosovë çdo vit deri në 16 milionë euro, tha ambasadori i këtij vendi, Sven Johan Kvale.
"Ndërtimi i sistemit arsimor në shtetin me popullsi më të re në Evropë siç është Kosova na bënë të krenohemi", tha diplomati norvegjez. Shkollat planifikohet të ndërtohen në fund të vitit 2010.

Asociacioni i Komunave mirëpret vendosjen e EULEX-it në Kosovë

E mërkurë, 10 dhjetor 2008

Kryetarët e komunave të Kosovës mirëpresin vendosjen e misionit të BE-së, duke ditur se qëllimi i EULEX-it, siç është disenjuar në propozimin e Ahtisarit, është të mbështesë qeverinë e Kosovës, autoritetet e Kosovës, në fushën e drejtësisë dhe sigurisë.
Nëpërmjet një deklarate kryetarët e komunave të Kosovës thonë se do të bashkëpunojnë me përfaqësuesit dhe pjesëtarët e misionit të EULEX-it gjatë punës së tyre në pajtim me Kushtetutën e Republikës së Kosovës dhe me angazhimet e përbashkëta me komunitetin ndërkombëtar për pacenueshmërinë e territorit të Republikës së Kosovës.
“Edhe më herët, ne kryetarët e komunave, patëm deklaruar se Kosova dhe qytetarët e saj e kanë mirëpritur ardhjen e Misionit të EULEX-it në Kosovë dhe shtrirjen e tij në tërë territorin e Kosovës, ashtu siç është koncipuar nga SHBA-të, Bashkimi Evropian dhe institucionet tona në ndihmesë të vendosjes së rendit dhe ligjit në tërë territorin e Republikës së Kosovës”, thonë kryetarët e komunave.

Kryeministri Thaçi pranon propozimet e LDK-së për zëvendësministra

E martë, 9 dhjetor 2008

Kryeministri i Republikës së Kosovës, Hashim Thaçi, ka pranuar propozimet e partnerit të koalicionit, Lidhjes Demokratike të Kosovës, që Behxhet Brajshori të zgjidhet zvëvendësministër i Forcës së Sigurisë, ndërsa Jonuz Kastrati zëvendësministër i Tregtisë dhe Industrisë.

Ahtisaari: Serbia të përballet me të kaluarën e keqe

E martë, 9 dhjetor 2008

Fituesi i Çmimit Nobel për Paqe, Marti Ahtisari, ka thënë se Serbia duhet ta pranojë të kaluarën e saj të keqe në marrëdhëniet me Kosovën, përpara se të bëhet pjesë e Bashkimit Europian.
Ish i dërguari Special për statusin e Kosovës, ka theksuar se “serbët duhet të jenë të gatshëm të jetojnë me të kaluarën e tyre”.
Ahtisari ka thënë se ai mbështet të gjitha vendet e Ballkanit për t’u bërë pjesë e BE-së, porse Serbia së pari duhet ta pranojë se “diçka ka shkuar tmerrësisht gabim” në lidhje me Kosovën.
Këto deklarata, Ahtisari i ka bërë në Oslo, një ditë para ceremonisë zyrtare të pranimit të Çmimit Nobel për Paqe.

Schmidt: S’ka tensione mes Kosovës dhe Gjermanisë

E martë, 9 dhjetor 2008

Nuk ka tensione ndërmjet Kosovës dhe Gjermanisë, pas arrestimit të tre agjentëve gjermanë, muajin e kaluar, ka thënë Christian Schmidt, sekretar i Shtetit Gjerman në Ministrinë Federale të Mbrojtjes, i cili po qëndron në Kosovë në krye të një delegacioni 10-anëtarësh.
“Konsiderojmë se kjo çështje duhet të mbyllet sa më parë edhe pse disa çështje duhet të sqarohen ende”, tha Schmidt, pas një takimi me presidentin e Kosovës, Fatmir Sejdiu dhe kryeministrin Hashim Thaçi.
Schmidt e pranoi se në rastin e arrestimit të tre agjentëve të BND-së ka pasur shqetësime nga të dyja vendet, por sipas tij, ato janë zmadhuar më shumë nga shkrimet e mediave.
Edhe krerët e Kosovës mohuan të ketë pasur tensione ndërmjet Prishtinës dhe Berlinit. “Për ne është shumë me rëndësi se do të vazhdojmë bashkëpunimin më të mirë të mundshëm, ashtu siç kanë qenë. Gjermania ka qenë është dhe do të mbetet mbështetëse shumë e fuqishme e Kosovën", tha Sejdiu.
Ndërsa kryeministri Thaçi tha se institucionet dhe populli i Kosovës i është mirënjohës dhe falënderues Gjermanisë për mbështetjen e vazhdueshme.

EULEX filloi zyrtarisht mandatin e tij, shtrihet në tërë Kosovën

E martë, 9 dhjetor 2008

Misioni i Bashkimit Evropian, EULEX, ka nisur sot zyrtarisht mandatin e tij në gjithë territorin e Republikës së Kosovës.
EULEX është vendosur edhe në pikat doganore 1 dhe 31, të cilat ishin djegur nga serbët.
Këtë e ka konfirmuar shefi i EULEX-it, Iv de Kermabon pas takimit me presidentin Sejdiu dhe kryeministrin Thaçi.
“Jam shumë i lumtur të them se këtë mëngjes ne kemi qenë në gjendje që të fillojmë me misionin e EULEX-it në tërë Kosovën. Kjo nënkupton se që nga ora 8 e mëngjesit ne kemi marrë përgjegjësitë në fushën e rendit dhe ligjit, përgjegjësi që mbaheshin nga UNMIK-u. Kjo është bërë në bashkëpunim të ngushtë edhe me Qeverinë e Kosovës “, tha Kermabon pas këtij takimi.
Ai tha se nuk kanë hasur në probleme gjatë vendosjes në veri të Kosovës.
“Në këtë kohë ne kemi rreth 100 pjesëtarë në pjesën veriore të Kosovës. Ata janë të pranishëm edhe në portat 1 dhe 31 me disa ekipe që përfshijnë edhe policët kufitarë. Kemi policët tanë afër ndërtesës së gjykatës dhe po ashtu kemi edhe 10 pjesëtarë që bëjnë pjesë në ekipin e gjykatave e që janë vendosur në objektin e gjykatës në veri dhe po ashtu kemi policët tanë edhe në Zveçan, Zubin Potok dhe Leposaviq“, ka thënë shefi i misionit EULEX, Iv de Kermabon.

Rohan: EULEX nuk mund të jetë neutral ndaj statusit

E martë, 9 dhjetor 2008

Ish-ndërmjetësi i Kombeve të Bashkuara për statusin e Kosovës Albert Rohan konsideron se EULEX-i nuk mund të jetë neutral ndaj statusit.
Qëllimi i EULEX-it, siç është disenjuar në propozimin e Ahtisarit "është që ky mision duhet të mbështesë qeverinë e Kosovës, autoritetet e Kosovës, në fushën e drejtësisë dhe sigurisë", thotë Rohan.
Ai thotë se e ka të vështirë ta shohë sesi EULEX mund të jetë neutral ndaj statusit. Ndërkaq, në lidhje me planin gjashtëpikësh të Kombeve të Bashkuara, Rohan thotë se plani i Ahtisarit nuk rrezikohet nga gjashtëpikëshi i Ban Ki Munit, por është i rrezikuar nga mungesa e bashkëpunimit të palës serbe".

Uizner: Detyrat e KB kanë marrë fund në Kosovë

E martë, 9 dhjetor 2008

Ish-ndërmjetësi amerikan për zgjidhjen e statusit të Kosovës, Frenk Uizner thotë se detyrat e Kombeve të Bashkuara kanë marrë fund në Kosovë sikur edhe detyrat nga rezoluta 1244.
Uizner tha se e kupton qeverinë e Kosovës përsa i përket refuzimit të planit të kreut të OKB-së, por shtoi se është i kënaqur që Prishtina do t'i mundësojë misionit të BE-së që të shtrihet në gjithë Kosovën.
"Të gjithë janë duke jetuar në një kohë të ambiguitetit dhe të disa mandateve - Pakoja e Ahtisarit dhe Rezoluta 1244 janë në vend në të njëjtën kohë, mirëpo drejtimi është i mirë drejt rënies nga lart poshtë. Detyrat e Kombeve të Bashkuara në Kosovë janë kryer, sikurse edhe detyrat me Rezolutën 1244", ka thënë ambasadori Uizner për "Kohën ditore".
Uizner thotë se dëshiron të shohë që EULEX-i të shtrihet në tërë Kosovën dhe që koncepti i unitetit në Kosovë të ruhet".

Sot fillon nga puna zyrtarisht misoni EULEX në Kosovë

E martë, 9 dhjetor 2008

Ministrat e Jashtëm të Bashkimit Evropian e kanë mirëpritur vendosjen e misionit EULEX në Kosovë.
"Nëntë dhjetori është një fazë e madhe në një situatë kaotike që kemi pasur rreth kësaj, por shënon një kthesë të madhe për Kosovën dhe për Serbinë", tha shefi i diplomacisë franceze, Bernard Kushner.
Duke folur për shtrirjen e misionit EULEX në Kosovë, kryediplomati i BE-së, Havier Solana tha se do të ketë bashkëpunim të ngushtë me qeverinë e Serbisë dhe me Prishtinën në këtë drejtim. Misioni Evropian për Drejtësi dhe Polici, EULEX, pritet që të fillojë sot edhe zyrtarisht vendosjen e tij në gjithë territorin e Kosovës, përfshirë edhe veriun e saj.
Zyrtarë të misionit thonë se aktualisht në Kosovë kanë arritur 1300 policë, prokurorë e gjykatës ndërkombëtarë.
Në ditën e parë të shtrirjes në veri, fillimisht do të vendosen afro 100 policë të EULEX-it.

Shefi i BND-së, Ernest Uhrlau, ndodhet nën presion dorëheqjeje

E martë 9 dhjetor 2008

Pas aferës së arrestimit të tre agjentëve të BND-së në Prishtinë, shefi i Shërbimit informativ gjerman, Ernst Uhrlau, ndodhet nën presion për të dhënë dorëheqje, ku me sa duket janë bërë gabime në mënyrën e procedimit për lirimin sa më të shpejtë të agjentëve gjermanë.
Kësaj i shtohet edhe afera e përgjimit të një zyre të Organizatës Botërore Kundër Urisë në Afganistan, që u bë e ditur në fundjavë. Nga qarqet qeveritare nuk përjashtohet mundësia e dorëheqjes së shefit të BND-s, Uhrlau - shkruan shtypi gjerman.
Të dyja rastet, si arrestimi i agjentëve në Kosovë, ashtu edhe përgjimi i zyrës së organizatës humanitare në Afganistan pritet të diskutohen javën e ardhshme në dhomën parlamentare të kontrollit të Bundestagut.
 

Çitaku: Qeveria shpreh keqardhje për incidentin me agjentët e BND-së

E diel, 7 dhjetor 2008

Qeveria e Kosovës shpreh keqardhje për arrestimin e tre agjentëve të Shërbimit Informativ Gjerman (BND), ka thënë zëvendësministrja e jashtme Vlora Çitaku për gazetën "Welt am Sonntag".
Çitaku ka thënë se arrestimi ka qenë vërtet një "incident fatkeq", megjithatë Qeveria e Kosovës nuk do të kërkojë falje pasi nuk ka të bëjë asgjë me këtë incident.
Ajo vlerësoi se nuk mund ta përjashtojë mundësinë që "lojtarë të tjerë të rajonit" kanë pasur interes të destabilizojnë raportet midis Kosovës dhe Gjermanisë.
"As shpërthimi me bombë, as zhvillimet e më pasme nuk kanë qenë në interesin tonë", ka thënë Çitaku.

KFOR-i rrit masat e sigurisë në veri

E diel, 7 dhjetor 2008

Komandanti i trupave franceze të KFOR-it, që vepron në veri të Kosovës, bën të ditur se ka rritur masat e sigurisë pak ditë para fillimit të misionit evropian, EULEX.
Gjenerali francez, Michel Yakovleff tha se trupat e tij "do të jenë më të gatshme se zakonisht" kur të fillojnë punën të martën policët e parë evropianë, që do të zëvendësojnë ata të UNMIK-ut.
Yakovleff, në një intervistë për AP-në, nuk pranoi të jepte detaje rreth lëvizjeve të paqeruajtësve gjatë këtyre ditëve, por shtoi se "nuk do të presë që të ketë gjak" përpara se të veprojë, në rast se misioni evropian pengohet.

Mikronezia e njeh pavarësinë e Kosovës

E premte, 5 dhjetor 2008

Mikronezia e ka njohur të premten Kosovën shtet të pavarur dhe sovran, ka njoftuar Ministria e Punëve të Jashtme e Kosovës.
“Sonte, rreth orës 20, i ngarkuari i përhershëm me punë në Organizatën e Kombeve të Bashkuara të Mikronezisë, Jeem Lippwe, ka njoftuar ministrin e Jashtëm të Republikës së Kosovës, Skender Hyseni, se Mikronezia ka njohur Republikën e Kosovës shtet të pavarur dhe sovran”, thuhet në njoftimin e MPJ-së.
Mikronezia është shteti i 53-të anëtar i OKB-së që e njeh Republikën e Kosovës.

Solana: EULEX i gatshëm - fillon më 9 dhjetor

E premte, 5 dhjetor 2008

Shefi i diplomacisë evropiane, Havier Solan, ka deklaruar sot se Misioni i Bashkimit Evropian në Kosovë për sundimin e rendit dhe ligjit, EULEX do të fillojë mandatin e tij më 9 dhjetor. 
Këtë deklaratë Solana e bëri pas informimit të shteteve anëtare nga komandanti i Operacioneve Civile të BE-së, Kees Klompenhower se EULEX-i tashmë është në fazën e tij operacionale.
"Misioni do të jetë kyç për konsolidimin e shtetit ligjor në Kosovë dhe për forcimin e institucioneve shumetnike nga të cilat do të përfitojnë të gjitha bashkësitë në Kosovë", tha Solana.
Solana takohet sot në Pragë me të dërguarin e posaçëm të BE-së në Kosovë, Pieter Feith.

Frid: EULEX-i nuk është neutral ndaj statusit

E premte, 5 dhjetor 2008

Janë të pabaza të gjitha spekulimet se shtrirja e EULEX-it do të jetë hyrje në ndarjen e heshtur të Kosovës, ka deklaruar ndohmëssekretari amerikan i Shtetit Daniel Frid. "Kosova do të mbetet një e tërë. Misioni EULEX në të vërtetë nuk është neutral ndaj statusit. Ai në një masë të madhe do të forcojë integritetin territorial të Kosovës.
Misioni i BE-së ndonëse do të veprojë në kuadër të rezolutës 1244 të KB-së, por larg nga ajo që të jetë neutral sa i përket statusit. Institucionet e Kosovës kanë treguar mençuri me pranimin e EULEX-it. Kjo është një zgjedhje e mençur dhe e mirë për mosndarjen dhe sovranitetin e Kosovës", ka thënë Frid.

Vondra: Vitin e ardhshëm Kosovën do ta njohin edhe shtetet tjera të BE-së

E premte, 5 dhjetor 2008

Zëvendëskryeministri i Çekisë për çështje evropiane, Aleksandar Vondra, tha sot në Pragë, se pret që gjatë vitit 2009, Kosovën do ta njohin edhe ato vende anëtare të BE-së, që deri tash nuk e kanë njohur. Çekia prej 1 janarit 2009, merr presidencën e radhës së Bashkimit Evropian.
“Është e vërtetë se disa vende të BE-së ende nuk e kanë pranuar Kosovën, por numri i vendeve që e kanë njohur Kosovën, gradualisht po rritet. Padyshim, gjatë vitit të ardhshëm, atyre do t’u bashkohen edhe vende të tjera, përfshirë edhe shtetet anëtare të BE-së”, tha Vondra.

Krasniqi: Nuk e përjashtojmë luftën për bashkim, nëse ndahet Kosova

E enjte, 4 dhjetor 2008

Kryetari i Kuvendit të Kosovës, Jakup Krasniqi, ka thënë se shqiptarët nuk duhet ta përjashtojnë as luftën, nëse ajo u imponohet.
Në emisionin "Rubikon" të Kohavisionit, kryeparlamentari Krasniqi ka thënë se shqiptarët duhet ta mendojnë bashkimin kombëtar nëse ndahet Kosova.
"Edhe Skënderbeu ka thënë se lufta është çmenduri, por nëse të imponohet është urti", ka thënë Krasniqi.
Sipas tij, populli shqiptar është i paqes, por nëse dikush mendon ta bëjë Kosovën cop-copë, shqiptarët duhet të mendojnë se si do të përgjigjen.
Krasniqi gjithashtu ka folur për planin e Ban Ki Munit, duke thënë se institucionet e Kosovës e kanë kundërshtuar atë që prej fillimit. Ai ka pohuar se EULEX duhet të shtrihet në krejt Kosovën, duke respektuar Kushtetutën e Kosovës, si edhe pakon e Ahtisaarit.

Thaçi: Askush nuk mund ta pengojë shtrirjen e EULEX-it

E enjte, 4 dhjetor 2008

Duke iu referuar incidentit të mbrëmshëm në Mitrovicë, kryeministri i Kosovës Hashim Thaçi tha se nuk do të ketë pengesë që do të mund të ndalojë zgjerimin e EULEX-it në gjithë territorin e Republikës së Kosovës, duke përfshirë edhe veriun.
Ai tha se është momenti që të gjithë duhet t’i japim mbështetje të plotë shtrirjes së EULEX-it në gjithë territorin e vendit dhe po ashtu të gjithë duhet ta dinë se nuk do të ketë asnjë pengesë që do të mund ta ndalojë këtë proces. “Ky proces duhet të përcillet përmes një dialogu paqe dhe stabiliteti. Nuk do të ketë vend për ekstremistë radikalë struktura paralele apo jolegjitime, ligji do të funksionojë në gjithë territorin Kosovës edhe në veri, EULEX do të jetë edhe atje që ditën e parë”, theksoi kryeministri Thaçi.

Mitrovicë: Dënohen provokimet e ekstremistëve serbë në veri të qytetit

E enjte, 4 dhjetor 2008

Drejtuesit komunalë në Mitrovicë kanë dënuar incidentin e shkaktuar nga ekstremistët serbë që ka ndodhur mbrëmjen e së mërkurës në Lagjen e Boshnjakëve në veri të Mitrovicës, ku është sulmuar një vajzë shqiptare dhe janë dëmtuar disa vetura të shqiptarëve dhe një e UNMIK-ut.
Nënkryetari i komunës, Ismajl Smakiqi tha se ky incident është bërë me tendencë që të jepet një mesazh kundër vendosjes së EULEX-it në veri të Kosovës.
Smakiqi tha se incidente të tilla, të shkaktuara nga ekstremistët serbë, në prag të vendimeve dhe ngjarjeve me rëndësi, janë të njohura për opinionin e brendshëm dhe të jashtëm.
Ai kërkoi nga strukturat e sigurisë, sidomos nga KFOR-i që të shtojë praninë në lagjet e banuara me shqiptarë në veri, në mënyrë që të parandalohen incidentet dhe provokimet.

Transformimi i TMK-së shtyhet për muajin janar 2009

E enjte, 4 dhjetor 2008

Transformimi i Trupave Mbrojtëse të Kosovës në Forcën e Sigurisë së Kosovës është shtyrë deri në muajin janar të vitit 2009.
Ky proces ishte paraparë të kryhej deri më 10 dhjetor, por për shkak të ngecjeve në emërimin e komandantit të FSK-së, është shtyrë deri në fillimin e vitit të ardhshëm, njofton zyra për informim publik e SHP të TMK-së.
“Vlen të theksohet se TMK-ja i ka përfunduar të gjitha përgatitjet e nevojshme që ky proces të ecë me dinamikën e planifikuar, mirëpo ju njoftojmë se TMK-ja, është vetëm një nga akterët në këtë proces dhe si e tillë nuk ka mundësi që agjenda e planifikuar më parë të realizohet sipas afateve kohore të planifikuara”, thuhet në njoftimin e TMK-së.
TMK thotë se edhe më tej do të luajë rol konstruktiv në kryerjen e detyrave të planifikuara si dhe në procesin që e ka përpara.

Suedia do të përkrahë Kosovën për integrim në BE

E enjte, 4 dhjetor 2008

Ministrja suedeze për Zhvillim dhe Bashkëpunim, Gunilla Karlson, tha sot në Prishtinë se vendi i saj po përgatitet për presidencën e radhës së BE-së, dhe se Suedia do të përkrahë Kosovën për integrim në BE. Sipas saj, EULEX-i duhet të shtrihet në tërë Kosovën për të vendosur sundimin e ligjit dhe për të parë se si mund të ndihmohet në arritjen e mirëkuptimit të përgjithshëm.
“Unë shpresoj dhe besoj se EULEX-i do të mund të vendoset pa dhunë, por duhet të jemi të vendosur se ky mision nuk duhet të jetë vetëm për një pjesë të Kosovës, por për tërë Kosovën”, tha ministrja Karlson.
Karlson, tha se vizita e saj në Prishtinë do të ndihmojë që Suedia të ketë parasysh ambiciet, kapacitetet dhe mënyrën se si mund të kontribuojë në misionin e ri në Kosovë.

Fejt: EULEX-i nis më 9 dhjetor - nuk është këtu për të krijuar ndarje

E mërkurë, 3 dhjetor 2008

Përfaqësuesi i Bashkimit Evropian në Kosovë,  Piter Fejt, tha sot se misioni i EULEX-it do të shtrihet në tërë Kosovën duke filluar nga 9 dhjetori. Ai tha se EULEX-i nuk është këtu për të krijuar ndarje, përkundrazi për të ruajtur Kosovën si të tërë. "Pavarësisht vonesave EULEX-i ka nevojë për përkrahje. EULEX-i nuk është këtu për të krijuar ndarje, është shpjeguar disa herë, është e kundërta. Këto janë elemente që duhet pasur parasysh", tha Fejt.

Ivanko: 6 pikat nuk do t'i imponohen Kosovës

E mërkurë, 3 dhjetor 2008

Asgjë nuk do të imponohet në Kosovë, duke përfshirë edhe gjashtë pikat, ka deklaruar zëdhënësi i UNMIK-ut , Aleksander Ivanko në debatin "EULEX-i në Kosovë pas mbledhjes së Këshillit të Sigurimit të OKB-së".

NATO do të mbetet në Kosovë në bazë të rezolutës 1244

E mërkurë, 3 dhjetor 2008

Prania e fuqishme e NATO-s do të mbetet në Kosovë në bazë të rezolutës 1244. NATO do të vazhdojë të punojë me autoritetet dhe do të bashkëpunojë dhe ndihmojë institucionet ndërkombëtare në Kosovë për zhvillimin e një Kosove stabile, multietnike dhe paqësore, thuhet në komunikatën e Aleancës Veriatlantike në përfundim të takimit të ministrave të jashtëm, që u mbajt në Bruksel.
Nga ky takim theksohet se vendosja e shpejtë e EULEX-it në tërë Kosovën është prioritet urgjent. Aleanca Veriatlantike inkurajon autoritetet në Kosovë dhe Serbi të bashkëpunojnë ngushtë me të gjithë “aktorët”gjatë dhe pas periudhës së transferi të kompetencave. NATO gjithashtu pret nga të gjitha palët në Kosovë që të ndihmojnë në parandalimin e dhunës.
Ndërsa mirëpret përpjekjet e vazhdueshme të autoriteteve dhe pret që të implementohen plotësisht angazhimet e tyre drejt standardeve, posaçërisht atyre që kanë të bëjnë me rendin dhe ligjin, mbrojtjen e minoriteteve dhe mbrojtjen e vende fetare dhe historike si dhe luftimin e krimit dhe korrupsionit.
Aleanca Veritalantike është shprehur se është e gatshme të luajë rolin e saj në implementimin e marrëveshjeve të ardhshme të sigurisë dhe themelimin e Forcës së Sigurisë së Kosovës.

Kushner: EULEX-i do të vendoset brenda disa ditësh

E mërkurë, 3 dhjetor 2008

EULEX-it do të vendoset në Kosovë brenda disa ditësh, ka deklaruar shefi i diplomacisë franceze, Bernad Kushner, dhe ka shfaqur shpresën se atë do ta mirëpresin "miqtë shqiptarë të Kosovës dhe ata serbë".
Ai tha se do të ishte befasi e këndshme nëse EULEX-i do të dislokohej brenda disa ditësh dhe të mos ketë ngjarje të dhunshme.
Kushner ka thënë se ka pasur probleme të mëdha legale për dërgimin e misionit EULEX në Kosovë, kryesisht lidhur me respektimin e Rezolutës 1244 dhe me "nevojën që Bashkimi Evropian të marrë përsipër obligimet për të ardhmen evropiane të rajonit".

Rojter: EULEX do të nisë të veprojë zyrtarisht më 9 dhjetor

E mërkurë, 3 dhjetor 2008

Misioni EULEX do të nisë të veprojë zyrtarisht më 9 dhjetor, thotë Viktor Rojter, shef i zyrës për komunikim të misionit të BE-së në Prishtinë.
"Nëntë dhjetori është dita kur - fizikisht në terren - policët, gjykatësit, prokurorët dhe doganierët e EULEX-it do të marrin përsipër veprimin operativ të misionit në terren. Kjo do të thotë se ata do t'u bashkohen kolegëve të tyre në zyrat e policisë, në gjykata dhe në shërbimet e doganës", tha Rojter për BBC-në.
Ai tha se EULEX-i do të shtrihet edhe në veri të Kosovës, duke shtuar se mandati i misionit është që të shtrihet në tërë territorin e Kosovës.

Jeremiq: Nuk ka ndarje të Kosovës, EULEX-i sipas kushteve të Serbisë

E mërkurë, 3 dhjetor 2008

Shefi i diplomacisë serbe, Vuk Jeremiq, ka deklaruar për mediat në Beograd se përjashton çfarëdo mundësie të ndarjes së Kosovës.
Sipas tij, EULEX-i do të vendoset në Kosovë me kushtet që i ka përcaktuar qartazi Serbia dhe të cilat janë mbështetur nga Këshilli i Sigurimit.
Jeremiq ka thënë se "Bashkimi Evropian edhe formalisht është deklaruar në Këshillin e Sigurimit se aktivitetin e saj në Kosovë do ta zhvillojë nën ombrellën e Kombeve të Bashkuara duke respektuar rezolutën 12 44".
“Plani i Ahtisarit është varrosur në Këshillin e Sigurimit dhe tani ekziston plani i Ban Ki-Munit, i cili nuk prek sovranitetin dhe integritetin territorial të Serbisë”, ka thënë Jeremiq.

Protestë kundër vendosjes së EULEX-it, sipas planit 6-pikësh

Mijëra qytetarë sërish i thanë JO ndarjes së Kosovës, JO UNMIK-ut, JO EULEX-it, JO cenimit të sovranitetit të Kosovës, JO gjashtëpikëshit të Ban Ki-Munit, JO Rezolutës 1244, ndërsa shefin e UNMIK-ut, Lamberto Zanier e shpallën persona non grata

E martë, 2 dhjetor 2008

Mijëra qytetarë të Kosovës, protestuan sot në Prishtinë kundër vendosjes së EULEX-it sipas planit 6 pikësh të sekretarit të përgjithshëm të OKB-së, Ban Ki Mun.
Me moton "Në mbrojtje të sovranitetit" protestuesit marshuan nga Biblioteka Kombëtare, selia e misionit evropian EULEX, për të përfunduar përpara institucioneve të Kosovës.
Protesta është organizuar nga rreth njëzet organizata joqeveritare në ditën kur ishte paralajmëruar fillimi i misionit të EULEX-it. Protestuesit kanë bërë thirrje për hedhjen poshtë të Rezolutës 1244 të Këshillit të Sigurimit dhe kundër EULEX-it e UNMIK-ut.
Lideri i lëvizjes Vetëvendosje Albin Kurti duke folur para protestuesve tha se vendosja e EULEX-it në Kosovës mbi bazën e Rezolutës 12 44 dhe duke qenë neutral ndaj statusit nënkupton që është kundër pavarësisë së Kosovës dhe do t’i legalizojë strukturat paralele serbe në Kosovë.
Ndërkaq duke bërë krahasime midis kundërshtimit që udhëheqësit vendorë i kanë bërë gjashtëpikëshit dhe atij të bërë nga shoqëria civile, Kurti tha se protesta është një kundërshtim parimor. "Dokumentet janë ato që kanë rëndësi dhe jo deklaratat e politikanëve", tha Kurti, duke akuzuar udhëheqësit e institucioneve vendore për mashtrim.

Sejdiu: Të zbatohet parimësia që EULEX-i të shtrihet në tërë territorin e Kosovës

E martë, 2 dhjetor 2008

Presidenti i Kosovës Fatmir Sejdiu tha sot se nuk i kupton vonesat e shtrirjes së EULEX-it.
Ai e vlerësoi si shumë me rëndësi dinamizimin e punës për të gjithë faktorët që e përbëjnë këtë strukturë të rëndësishme ndërkombëtare, evropiane, por edhe me pjesëmarrje të SHBA-ve.
"Unë do të kem konsulta të drejtëpërdrejta, të shpeshta, këto ditë. Natyrisht që edhe sot kam pasur një komunikim të drejtëpërdrejtë telefonik dhe kujtoj se në ditët që vijnë do të shkohet në bazë të axhendës që këta pak me vonesë e kanë shtrirë (misionin)", tha presidenti Sejdiu.
Ai tha se është me rëndësi që të zbatohet parimësia që EULEX-i të shtrihet në tërë territorin e Kosovës dhe në bazë të mandatit të ketë bashkëpunim me faktorët vendorë. "Edhe në kuptimin e kërkesës së institucioneve të Kosovës që ta kemi në Prishtinë, ta kemi në të gjitha viset e Kosovës, edhe në veri, edhe në jug edhe në lindje dhe që të ketë bashkëpunimin e institucioneve të Kosovës aq sa do ta ketë mandatin", tha presidenti Sejdiu.

Serbia synon pengimin e formimit të Forcës së Sigurisë së Kosovës

E martë, 2 dhjetor 2008

Me ndryshimin e Marrëveshjes së Kumanovës, Serbia do të kërkojë suprimimin e zonës tokësore të sigurisë dhe suprimimin e kompetencave që i ka komandanti i KF0R-it, thonë analistët ushtarakë serbë, si dhe do të pengohet formimi i Forcës së Sigurisë së Kosovës. Në këtë mënyrë, thonë ata, Beogradi do të shënonte edhe një "fitore diplomatike". "Me këtë marrëveshje të sigurisë eventualisht do të pengohej formimimi i të ashtuquajturës ushtri të Kosovës, përkatësisht që këto forca të sigurisë prej 2000 njerëzish të shndërrohen në forca të vërteta ushtarake", i ka thënë DW-së analisti ushtarak serb Zoran Dragishiq. Ndërkaq, kryetari i Nismës evroatlantike, Daniel Shunter thotë se opinioni serb kryesisht ka qëndrim negativ ndaj NAT0-s, ndërsa një numër i elitës politike serbe nuk ka një vizion të përcaktuar qartë nëse Serbia duhet të bëhet anëtare e BE-së dhe e NAT0-s sikur të gjitha vendet e tjera të Ballkanit. Sipas analistëve serbë kërkesa për kthimin e një numri të ushtrisë dhe policisë serbe në Kosovës, siç parasheh Marrëveshja e Kumanovës, në këtë moment do të ishte kërkesë e tepërt, andaj Beogradi është përcaktuar për pjesët e marrëveshjes që mund të ndryshohen.

Kuvendi nuk ka presion nga ndërkombëtarët për çështjen e veriut

E martë, 2 dhjetor 2008

Institucionet e Kosovës nuk kanë kurrfarë presioni nga bashkësia ndërkombëtare për të mos e debatuar çështjen e sigurisë në veri të Kosovës, por kanë vetëm rekomandime dhe sugjerime konstruktive, deklaruan të martën përfaqësuesit e legjislativit kosovar.

Sot demonstratë kundër 6 pikëshit - për sovranitet

E martë, 2 dhjetor 2008

Sot, në Prishtrinë, do të mbahet një demonstratë, kundër planit gjashtëpikësh të Ban Ki-Munit dhe implementimit të këtij plani në Kosovë. "Kundër 6 pikëshit - për sovranitet" është motoja e kësaj demonstrate e cila organizohet nga organizatat joqeveritare.
Plani 6 pikësh i Ban Ki Munit po i imponohet Kosovës. Këto 6 pika e fusin Serbinë thellë në territorin tonë. Kosova ndahet përbrenda, ndërsa EULEX-i do ta menaxhojë këtë ndarje. Me këtë plan po shkelet vullneti i popullit të Kosovës për një shtet të pavarur dhe po rrezikohet integriteti territorial i Kosovës. Ky plan ia pamundëson Kosovës që të funksionojë si shtet demokratik dhe të zhvillohet ekonomikisht", thonë organizatorët e demonstratës.
Ata i ftojnë të gjithë qytetarët e Kosovës që t'iu bashkëngjiten në demonstratë dhe të kundërshtojnë në mënyrë paqësore 6 pikat që prekin sovranitetin dhe integritetin territorial të Kosovës.
Demonstrata fillon në orën 12, përpara Bibliotekës Kombëtare.

Thaçi: EULEX që në ditën e parë duhet ta shtrijë autoritetin edhe në veri të Mitrovicës

E hënë, 1 dhjetor 2008

Kryeministri Hashim Thaçi tha sot se vendosja e EULEX-it do të fillojë me 9 dhjetor, ndërsa kërkoi që ky mision të vendoset fillimisht në veri të vendit.

Ekziston mbështetje e plotë për vendosjen e EULEX-it, tha kryeministri Thaçi dhe shtoi se ky mision duhet të shtrijë autoritetin që ditën e parë edhe në veri të Mitrovicës, sepse në të kundërtën institucionet e Republikës së Kosovës do ta shpallin si mision të diskutueshëm dhe ai do të jetë i papëlqyeshëm edhe për popullin e Kosovës.

“Nëse EULX-i nuk fillon instalimin që ditën e parë, atëherë dua të them që këtij misioni i humb kuptimi. Institucionet e Republikës së Kosovës do të kenë qëndrim shumë kritik dhe mënyra e të vëzhguarit të situatës apo e sjelljes oportune do të jetë e papranueshme për institucionet dhe popullin e Kosovës”, ka thënë Thaçi.

Thaçi tha se është i vetëdijshëm për situatën mjaft komplekse në veri, për shkak të funksionimit të strukturave paralele serbe. Por, ai e cilëson të papranueshme tolerimin e kësaj gjendje atje.

“Natyrisht se EULX-i nuk do ta ketë rrugën e shtruar me lule në veri. Por kjo gjendje është krijuar për shkak të kushteve dhe rrethanave edhe të tolerimit të strukturave paralele, strukturave jo-legjitime dhe ruajtje së gjendjes së status-quo-s. Por vazhdimi i kësaj gjendje është i patolerueshëm”, tha kryeministri Thaçi.

Sipas kryeministrit Thaçi, institucionet e Republikës së Kosovës kanë potencial dhe janë të përkushtuara për vendosjen e rendit dhe ligjit edhe në veri.

Limdal: EULEX fillon nesër - shtrirja e plotë deri në fund të dimrit

E hënë, 1 dhjetor 2008

EULEX-i nesër do të fillojë vendosjen e kapaciteteve të para operacionale, por në gjithë territorin e Kosovës, siç ishte paralajmëruar me miratimin e një Plani të Veprimit, kohë më parë nga Bashkimi Evropian. 

Zëdhënësja e këtij misioni, Karen Limdal, tha se shtrirja e plotë e EULEX-it do të bëhet deri në fund të dimrit.

“Siç do të shihni, anëtarët e misionit EULEX do të fillojnë të zbatojnë mandatin e tyre. Kjo nënkupton që zyrtarë të policisë, zyrtarë të doganave, gjyqtarë dhe prokurorë do të fillojnë të punojnë, por tash për tash jemi në fillim të kapacitetit operacional”, ka thënë zëdhënësja Limdal.

Sipas raportit të Ban Ki Munit, policia, doganat dhe gjykatat nëpër vendbanimet serbe do t'i përgjigjen UNMIK-ut, ndërsa EULEX-i do të bashkëpunojë me udhëheqjen shqiptare në pjesët e tjera të Kosovës.

NATO nuk do të diskutoj marrëveshjen e Kumanovës

E hënë, 1 dhjetor 2008

Ministrat e Jashtëm të NATO-s nuk do të diskutojnë për mundësinë e ndryshimit të Marrëveshjes së Kumanovës, ka thënë zëdhënësi i Aleancës, James Apathurai. Diplomatë në Bruksel kanë deklaruar se për këtë çështje kanë dëgjuar nga mediat dhe nga shefi i Shtabit të ushtrisë së Serbisë, gjenerali Ponosh. Por, sipas tyre, nuk ka pasur as kërkesë formale nga Beogradi për të shqyrtuar këtë çështje.
Marrëveshja është duke funksionuar shumë mirë dhe nuk ka arsyeje të ndryshohet, kanë thënë në Bruksel.
Pritet që në takimin e ministrave të jashtëm të NATO-s të mirëpritet vendosja e EULEX-it në tërë territorin e Kosovës.

Gjermania kritikon Kosovën, por nuk planifikon t'ia ndal ndihmat

E hënë, 1 dhjetor 2008

Gjermania e ka kritikuar Kosovën për paraburgimin e tre agjentëve gjermanë, por tha se nuk planifikon t'i ndalë ndihmat për shtetin e ri të Ballkanit. Agjencia DPA e transmeton zëvendësin e zëdhënësit të qeverisë, Thomas Steg, të ketë thënë në Berlin se Gjermania ka interes për stabilitetin e rajonit dhe të Kosovës, dhe se nuk e shqyrton "reduktimin e ndihmave si kundërmasë". Por Steg shtoi se "është e zakonshme të rishqyrtohet ndihma pas një periudhe të caktuar".
Qeveria "fuqishëm" e mirëpret lirimin e tre shtetasve gjermanë të moshës prej 41 deri 47 vjeç, që punonin për shërbimin e kundërzbulimit BND, tha Steg, për të shtuar se akuzat kundër tyre kanë qenë "të pabaza".
Agjentët e BND-së u arrestuan më 17 nëntor nën dyshimin se kanë hedhur bombë në ndërtesën e Zyrës Civile Ndërkombëtare në Prishtinë.

Thaçi: Harroni 6 pikët, ato janë ëndërr e Beogradit

E diel, 30 nëntor 2008

Kryeministri i Kosovës Hashim Thaçi ka porositur opinionin vendor dhe ndërkombëtar që t'i harrojë gjashtë pikat e sekretarit të përgjithshëm të Kombeve të Bashkuara, Ban Ki-Mun për dislokimin e EULEX-it në bazë të marrëveshjes së OKB-së dhe Beogradit.

"Harroni gjashtë pikët, kjo nuk do të zbatohet në Kosovë. Tema jonë është implementimi i vullnetit të popullit të Kosovës, ndërtimi dhe zhvillimi i shtetit, zbatimi i planit të Ahtisaarit", tha Thaçi në një tubim në Reçan të Prizrenit.

Lidhur me nismën e Serbisë për revidimin e Marrëveshjes së Kumanovës, Thaçi tha se përfaqësuesit ndërkombëtarë dhe ata të Beogradit mund të bisedojnë për çështjet e brendshme të Serbisë, por jo edhe për Kosovën.

"Kosova e ka ushtrinë e vet, i ka organet e sigurisë dhe e ka NATO-n. Sovraniteti dhe integriteti territorial i Republikës së Kosovës është i paprekshëm dhe i pacenueshëm. Nëse Tadiq e ka parë ndonjë ëndërr të keqe, ai e din përgjigjen: çdo ushtar, polic dhe administrator i Serbisë është larguar nga Kosova. Por ëndrra e Beogradit mbetet, unë ëndrrat nuk mund t'ua shuaj, por janë të vdekura për Kosovën", tha Thaçi.

Sejdiu kundër ndryshimit të Marrëveshjes së Kumanovës

E diel, 30 nëntor 2008

Presidenti i Kosovë, Fatmir Sejdiu, ka reaguar ndaj kërkesës së Serbisë për ndryshimin e Marrëveshjes së Kumanovës, duke e quajtur të papranueshme çdo lloj ndryshimi në dokumentin me të cilin ishte vendosur largimi i trupave ushtarake serbe nga territori i Kosovës.

Presidenti Sejdiu tha se çdo lloj ndryshimi i marrëveshjes ndërmjet qeverisë serbe dhe Aleancës Veri-atlantike të NATO-së është i papranueshëm për interesat e shtetit të Kosovës.

"Kjo është një marrëveshje e cila në asnjë mënyrë dhe në asnjë cilësi nuk guxon dhe nuk mund të jetë çështje që pengon interesat e shtetit të Kosovës", tha Sejdiu.

KS: EULEX-i në Kosovë nën ombrellën e OKB-së ─ neutral ndaj statusit

E enjte, 27 nëntor 2008

Këshilli i Sigurimit i Kombeve të Bashkuara ka vendosur të mërkurën për shtrirjen e misionit të BE-së në Kosovë nën ombrellën e OKB-së.
Në raportin e sekretarit të përgjithshëm të OKB-së, Ban Ki-Mun, thuhet se EULEX-i do të punojë në mënyrë neutrale ndaj statusit të Kosovës.
Këshilli i Sigurimit ka miratuar një deklaratë presidenciale, të cilën e kanë përkrahur të 15 anëtarët, duke mirëpritur synimet e Serbisë dhe të Kosovës për të bashkëpunuar me këtë mision.
“Këshilli i Sigurimit merr parasysh raportin e Sekretarit të Përgjithshëm të Kombeve të Bashkuara të 24 nëntorit duke marrë parasysh edhe qëndrimet e Beogradit dhe Prishtinës, të cilat edhe janë reflektuar në deklaratat e tyre, ndërsa mirëpret synimet e tyre që të
bashkëpunojnë me bashkësinë ndërkombëtare”, thuhet në deklaratë.
Më tutje në deklaratë thuhet se “Këshilli i Sigurimit mirëpret bashkëpunimin midis Kombeve të Bashkuara dhe aktorëve të tjerë ndërkombëtarë, brenda kornizës së rezolutës 1244 të Këshillit të Sigurimit dhe gjithashtu mirëpret përpjekjet e vazhdueshme të Bashkësisë Evropiane që të avancojnë perspektivën evropiane për gjithë Ballkanin Perëndimor, duke i dhënë një kontribut vendimtar perspektivës dhe stabilitetit rajonal”.

Frid: Shtrirja e EULEX-it në gjithë Kosovën ─ goditje për ata që duan ndarjen e saj

E enjte, 27 nëntor 2008

Ndihmëssekretari amerikan i Shtetit, Daniel Frid, i tha BBC-së se vendimi i KS për shtrirjen e EULEX-it në gjithë Kosovën është një goditje për ata që duan ndarjen e saj dhe është një hap për të konsoliduar një Kosovë të bashkuar.
Pas seancës së Këshillit të Sigurimit, Frid tha se EULEX-i do të veprojë sipas Rezolutës 1244, që është e paanshme ndaj statusit, por efekti i vendosjes së misionit, sipas tij, do të jetë konsolidimi i institucioneve të Kosovës.
Ai tha se EULEX-i do të veprojë në një Kosovë të pavarur, të pandarë dhe sovrane.
Fried tha se Kosovës i është njohur e drejta sovrane që ta kundërshtojë gjashtëpikëshin e OKB-së dhe shtoi se çdo marrëveshje në të ardhmen duhet të negociohet, të diskutohet dhe të konsultohet me qeverinë e Kosovës.

Kermanbo: EULEX-i do t’i raportojë BE-së dhe OKB-së

E enjte, 27 nëntor 2008

Iv de Kermabo, i cili më parë kishte kundërshtuar që të vihet nën komandën e OKB-së, tha sot se si shef i EULEX-it do t’i raportojë BE-së, por edhe OKB-së, pasi është duke punuar nën Rezolutën 1244.
Kermabo tha se EULEX-i është i gatshëm të nisë punën në fushat e policisë, gjykatave dhe doganave. "E di se ka mospajtime rreth gjashtëpikëshit ndërmjet Prishtinës e Beogradit, por ne jemi të gatshëm që mbi bazat e agjendës dhe planit të veprimit të përbashkët ta përmbushim misionin tonë", tha Kermabo.
Mbi 2 mijë policë, prokurorë, gjykatës dhe doganierë ndërkombëtarë pritet të fillojnë punën nga 2 dhjetori.

Sejdiu e Thaçi përsërisin kundërshtimin ndaj 6-pikëshit të Ban Ki-Munit

"Jemi të bindur se nuk mund të lejohet implementimi i gjashtë pikave në çfarëdo mënyre që shkel sovranitetin e Republikës së Kosovës", thonë presidenti Sejdiu dhe kryeministri Thaçi.

E mërkurë, 26 nëntor 2008

Presidenti i Republikës së Kosovës Fatmir Sejdiu dhe kryeministri Hashim Thaçi, përmes një deklarate të përbashkët përsëritën sot qëndrimin refuzues ndaj planit 6-pikësh të Ban Ki-Munit.
Siç është bërë e ditur, Këshilli i Sigurimit të OKB-së mban sot mbledhje ku do të paraqitet raporti i sekretarit të përgjithshëm Ban Ki-Mun, i cili përmban planin gjashtëpikësh, ndërsa në aneks janë të përfshira edhe katër pikat e Prishtinës zyrtare, me të cilat refuzohet ky plan dhe i jepet mbështetje shtrirjes së EULEX-it.
Në deklaratën e përbashkët të presidentit Sejdiu dhe kryeministrit Thaçi thuhet:

• Kemi marrë në dijeni se sekretari i përgjithshëm i Kombeve të Bashkuara ka lëshuar raportin e tij për Kosovën dhe se Këshilli i Sigurimit i Kombeve të Bashkuara do të takohet për ta shqyrtuar këtë raport.

• Raporti mbulon, mes tjerash, të ashtuquajturin plan ‘gjashtë pikësh’ të Kombeve të Bashkuara.

• Në deklaratën e 18 nëntorit, institucionet e Republikës së Kosovës e kanë bërë të qartë pozicionin e vet për gjashtë pikat dhe refuzimin e këtij dokumenti në tërësi. Të njëjtin qëndrim refuzues e kemi edhe sot.

• Kemi marrë në dijeni se refuzimi i gjashtë pikave nga ana e Kosovës është pasqyruar, përkatësisht përfshirë, në raportin e sekretarit të përgjigjëm, ashtu si edhe Deklarata jonë e qartë se mirëpresim vendosjen e EULEX-it në tërë Kosovën, dhe do të punojmë për të lehtësuar atë vendosje.

• Përgjigjja jonë ndaj raportit të sekretarit të përgjithshëm mbetet e njëjtë. Jemi të bindur se nuk mund të lejohet implementimi i gjashtë pikave në çfarëdo mënyre që shkel sovranitetin e Republikës së Kosovës. U bëjmë thirrje miqve tanë, zëri i të cilëve është dëgjuar tashmë qartë në mbrojtje të sovranitetit tonë, të sigurojnë se masat që ndërmerren për lehtësimin e vendosjes së EULEX-it të bëhen në koordinim dhe konsultim të plotë me institucionet e Republikës së Kosovës.

• Kemi besim të plotë në miqtë tanë në Shtetet e Bashkuara, në Bashkimin Europian dhe NATO, ashtu siç kemi thënë përherë. Jemi shumë të interesuar të shohim vendosjen e EULEX-it në tërë Kosovën mbi bazë të parimeve të paraqitura në Deklaratën tonë të përbashkët të 18 nëntorit, si garanci për respektimin e sovranitetit dhe integritetit territorial të Republikës së Kosovës. Kërkojmë nga Bashkimi Europian të nisë vendosjen e EULEX-it posa të jetë e mundshme nga aspekti operacional.

• Ky është një moment në të cilin nevojitet një qasje e qetë dhe e vendosur. Çfarëdo përgjigje tjetër vetëm sa do t’i kënaqte ata të cilët dëshirojnë të provokojnë Kosovën dhe të na shohin duke vepruar në mënyrë të padinjitetshme. Nuk do t’ua japim atë kënaqësi.

• Do të vazhdojmë të punojmë me miqtë dhe partnerët tanë për të arritur qëllimin tonë të përbashkët – vendosjen e EULEX-it në tërë Kosovën. Kërkojmë përkrahje nga i gjithë spektri politik dhe shoqëria civile në Kosovë gjersa shkojmë para me kryerjen e detyrës sonë.

Mbledhja e GO me veprimtarët e LPK-së të ardhur nga Gjermania dhe Zvicra

Ndryshimet - hap shumë i qëlluar

Nën kryesinë e Gafurr Elshanit, kryetar, Grupi i Organizimit të Mbledhjes së 8-të të Përgjithshme të Lëvizjes Popullore të Kosovës, ka mbajtur mbledhje me veprimtarët e ardhur nga Gjermania dhe Zvicra.
Në fillim të mbledhjes kryetari i GO, Gafurr Elshani, i ka njoftuar veprimtarët e LPK-së në Perëndim për rrjedhën e pjesës së parë të Mbledhjes së 8-të të Përgjithshme të LPK-së dhe për vendimet e marra në këtë mbledhje.
Rexhë Iberdemaj, veprimtar i LPK-së në Gjermani, tha se ai dhe shumica e veprimtarëve në Gjermani i kanë mirëpritur vendimet e marra në pjesën e parë të Mbledhjes së 8-të të Përgjithshme të Lëvizjes Popullore të Kosovës, të mbajtur më 4 tetor 2008.
Diskutimet e veprimtarëve të LPK-së nga Gjermania në mbledhje dhe paraqitjet kundërshtuese, Iberdemaj i ka vlerësuar qëndrime individuale. Ne, Dega në Gjermani do të mbajmë shpejtë mbledhjen dhe do ta dërgojmë qëndrimin tonë, tha Iberdemaj.
Është koha që të ndryshohen gjërat, tha Iberdemaj dhe shtoi se Lëvizja ka ditur të bëjë kthesa në kohë edhe më të vështira.
Prandaj dashamirët e LPK-së i vlerësojnë si hap shumë të qëlluar vendimet e marra, ndërsa kundërshtarët tanë politikë kanë pësuar një nokaut, pasi nuk kanë pritur që LPK të ndryshojë.
Murat Bytyçi, kryetar i Degës së LPK-së në Zvicër, tha se Dega që përfaqëson ka analizuar vendimet e marra në pjesën e parë të Mbledhjes së 8-të të Përgjithshme.
Ai tha se, ashtu siç është njoftuar me shkrim, Dega në Zvicër përkrah vendimet e marra.

GO i LPK-së u takua me përfaqësuesen e fondacionit Friedrich Ebert Stiftung në Kosovë

Prishtinë, 21 tetor 2008

Anëtarët e Grupit të Organizimit të Mbledhjes së 8-të të Përgjithshme të Lëvizjes Popullore të Kosovës, Dritëro Kadolli dhe Nuhi Paçarizi, janë takuar sot me znj.Besa Luzha, koordinatore e programit të Fondacionit Friedrich Ebert Stiftung, zyra në Prishtinë.
Anëtarët e GO të LPK-së e informuan znj.Luzha për profilizimin e Lëvizjes Popullore të Kosovës, në subjekt politik të majtë të qendrës dhe u interesuan për mundësinë e një bashkëpunimi më të përafërt me këtë fondacion.
Znj.Besa Luzha, koordinatore e programit të FES-it në Kosovë, tha se fondacioni që përfaqëson është i interesuar të bashkëpunojë me të gjitha subjektet politike të spektrit të qendrës së majtë.
Ajo shprehu gatishmërinë për zgjerimin e bashkëpunimit të FES-it me LPK-në, në suaza të programit të këtij fondacioni për përkrahje të partive të spektrit të qendrës së majtë.

 Pajaziti: Policët serbë, nëse nuk kthehen së shpejti në vendet e tyre të punës, nuk do t’i paguajmë më

 Portugalia do të ndihmojë në forcimin dhe ngritjen e Forcës së Sigurisë së Kosovës

 KFOR-i thotë se është në pritje të emërimit të komandantit të FSK-së

 Ban Ki Mun: Kosova një sukses i diplomacisë së heshtur të OKB

 Die Welt: Ndërkombëtarët kanë vjedhur mbi 400 milionë euro në Kosovë

 Bush: KFOR-i do të bashkëpunojë me EULEX-in

 Kuvendi nuk debatoi për shkeljen e sovranitetit nga Serbia, nëpërmes uzurpimit të rrjetit hekurudhor

 Limaj: Pas shtrirjes së policisë dhe doganierëve kosovarë në pikat kufitare, do ndalen edhe trenat e Serbisë

 Kuçi: Qeveria e Kosovës do të mbështesë dhe do të bashkëpunojë ngushtë me EULEX-in

 Mosanëtarësimi i Kosovës në OKB paraqet vështirësi për normalizimin e hapësirës ajrore në vend

 Cërvenkovski: Me njohjen e Kosovës pranuam realitetin e ri në rajon

 Mehdi Geci, Bajram Zogiani, Bajram Ajeti dhe Bisera Spahi, emërohen anëtarë të Këshillit të Pavarur Mbikëqyrës të Kosovës

 Ligjvënësit miratuan në parim edhe 6 projektligje nga pakoja e Ahtisarit

 Beogradi (pa leje) vendos linjën hekurudhore me veriun e Kosovës

 Pajaziti: Shpresojmë se me ndihmën e EULEX-it të gjithë policët serbë do të kthehen në punë

 Kermabon paralajmëron se shumë shpejt do të hapet një zyrë e EULEX-it edhe në Beograd

 Limdal: Për EULEX-in në Kosovë ka vetëm një sistem të sundimit të ligjit

 KIPRED: Sektori i sigurisë ka nevojë për mbikëqyrje më të madhe parlamentare e publike

 Petersen: Pavarësisht 6 pikave, misioni i BE-së nuk mund të jetë neutral ndaj statusit të Kosovës

 NATO i jep mbështetje të plotë shtrirjes së EULEX-it në tërë territorin e Kosovës

 Tiranë: Shtrirja e EULEX-it në gjithë Kosovën ka rëndësi të madhe

 Bugajski: SHBA-të nuk do të tolerojnë çfarëdo plani për ndarje të Kosovës

 U publikuan emblemat, gradat dhe uniformat e Forcës së Sigurisë së Kosovës

 Doganat e Kosovës do t'i menaxhojnë vendorët

 Mujota: Emblemat e FSK-së përmbajnë të gjitha elementet e nevojshme

 Ligjvënësit thonë se ligjet e “Pakos Ahtisari” do të mund të rishqyrtohen

 Edhe policët rumunë nga UNMIK-u do të kalojnë në EULEX

 Zanier: UNMIK-u do të ketë një prezencë të fortë në Kosovë

 SHBA mbështetsin EULEX-in dhe integritetin territorial të Kosovës

 Plassnik: EULEX - kapitull i ri për Kosovën

 Ahtisarit iu dorëzua Çmimi Nobel për Paqe

 Presidenti Sejdiu uroi Ahtisarin për Çmimin Nobel për Paqe

 Solana nuk dëshiron ta lidhë Kosovën me integrimin e Serbisë në BE

 Asociacioni i Komunave të Kosovës mirëpret vendosjen e EULEX-it

 Shënohet 60 vjetori i Deklaratës Universale të të Drejtave të Njeriut

 Norvegjia ndihmon arsimin në Kosovë me 7 milionë euro

 Ahtisari: Serbia të përballet me të kaluarën e keqe

 Schmidt: Rasti i tre agjentëve gjermanë nuk i dëmton marrëdhëniet me Kosovën

 Thaçi pranon propozimet e LDK-së që Fatmir Brajshori të zgjidhet zvëvendësministër i Forcës së Sigurisë, ndërsa Jonuz Kastrati zëvendësministër i Tregtisë dhe Industrisë

 Misioni i BE-së, EULEX, edhe zyrtarisht filloi sot mandatin e tij në Kosovë

 EULEX thotë se në veri ka rreth 100 pjesëtarë - ata janë të pranishëm edhe në portat 1 dhe 31

 BE mirëpret vendosjen e EULEX, thotë se do të do bashkëpunojë si me Prishtinën ashtu edhe me Beogradin

 Rohan: EULEX-i nuk mund të jetë neutral ndaj statusit

 Uizner: Detyrat e OKB-së kanë marrë fund në Kosovë

 Çitaku: Qeveria shpreh keqardhje për incidentin me agjentët e BND-së, por nuk do të kërkojë falje

 KFOR-i rrit masat e sigurisë në veri para fillimit të misionit evropian, EULEX

 Mikronezia e njeh pavarësinë e Kosovës

 Solana: EULEX i gatshëm - fillon më 9 dhjetor

 Frid: EULEX-i nuk është neutral ndaj statusit

 Vondra: Vitin e ardhshëm Kosovën do ta njohin edhe ato shtete të BE-së, që nuk e kanë njohur ende

 Krasniqi: Nuk e përjashtojmë luftën për bashkim, nëse ndahet Kosova

 Thaçi: Askush nuk mund ta pengojë shtrirjen e EULEX-it

 Karlson: Suedia edhe më tutje do ta ndihmojë Kosovën

 Kryeministri Thaçi fton deputetët që të mos bien nën ndikimin e deklarimeve të Beogradit

 Transformimi i TMK-së në FSK është shtyrë për muajin janar 2009

 EULEX-i që në ditën e parë i pranishëm në veriun e Kosovës, thotë zëdhënësja Limdal

 Në veri të Mitrovicë ekstremistët serbë dëmtojnë disa vetura të shqiptarëve

 Strukturat e Mitrovicës dënojnë provokimet e ekstremistëve serbë në veri të qytetit

 Skefer: EULEX do të vendoset në gjithë territorin e Kosovës

 EULEX nuk do të filloj në veri të Kosovës më 9 dhjetor, thotë Ivanoviq

 Fejt: EULEX-i nis më 9 dhjetshtë këtu për të krijuar ndarje

 6 pikat nuk do t'i imponohen Kosovës, thotë zwdhënësi i UNMIK-ut Aleksander Ivanko

 Pas takimit në Bruksel NATO thotë se do të mbetet në Kosovë në bazë të rezolutës 1244

 Kushner: EULEX do të vendoset në Kosovë brenda disa ditësh

 Rojter: EULEX do të nisë të veprojë zyrtarisht më 9 dhjetor, do të shtrihet edhe në veri

 Jeremiq: Nuk ka ndarje të Kosovës, EULEX-i vendoset me kushtet që i ka caktuar Serbia

 Mijëra qytetarë protestuan të martën kundër vendosjes së EULEX-it, sipas planit 6 pikësh, dhe kërkuan largimin e UNMIK-ut

 Kuvendi nuk ka presion për të mos e debatuar çështjen e sigurisë në veri, por ka rekomandime dhe sugjerime konstruktive

 Sejdiu: Të zbatohet parimësia që EULEX-i të shtrihet në tërë territorin e Kosovës

 Bruksel: NATO diskuton për EULEX-in

 Kryeministri Thaçi thirret në interpelancë rreth raportit të progresit të Komisionit Evropian

 Thaçi: Integrimet euro-atlantike qëllim strategjik i Kosovës

 Kelmendi: Rishikimi i Marrëveshjes së Kumanovës hap rrugë për konflikt të ri në Ballkan

 Me rishikimin e marrëveshjes së Kumanovës Serbia synon pengimin e formimit të Forcës së Sigurisë së Kosovës

 NATO nuk ka ndryshuar qëndrimin rreth Marrëveshjes së Kumanovës

 Ministria e Drejtësisë ka suspenduar 18 zyrtarë të Burgut të Dubravës

 Arrestohen 9 gardianë të burgut të Dubravës

 Kosova ka perspektivë të qartë evropiane, thotë Mirel

 Aeroporti Ndërkombëtar i Prishtinës kalon në mbikëqyrje të Autoritetit të Aviacionit Civil të Republikës së Kosovës

 Hillary Clinton emërohet Sekretare e Shtetit e SHBA-ve

 Obama tha se i nominuari i tij për postin e këshilltarit për siguri kombëtare, Xhems Xhons, ishte i angazhuar prej Kosovës e deri në Afganistan

 Thaçi: EULEX që në ditën e parë duhet ta shtrijë autoritetin edhe në veri të Mitrovicës

 Limdal: EULEX fillon nesër - shtrirja e plotë deri në fund të dimrit

 Gjermania kritikon Kosovën për paraburgimin e tre agjentëve të BND-së, por thotë se nuk planifikon t'i ndalë ndihmat

 Thaçi: Harroni 6 pikët, ato janë ëndërr e Beogradit

 Sejdiu: Kërkesa e Serbisë për ndryshimin e Marrëveshjes së Kumanovës është e papranueshme

 Këshilli i Sigurimit miratoi vendosjes e EULEX-it në Kosovë nën ombrellën e OKB-së

 Kermabon: EULEX-i i gatshëm të nisë punën - do t’i raportojë BE-së dhe OKB-së

 Daniel Frid: Shtrirja e EULEX-it në gjithë Kosovën - goditje për ata që duan ndarjen e saj

 Vendimi i OKB-së do të ketë si pasojë ndarjen e Kosovës, thotë europarlamentaria Angelina Beer

 “F.Tajms": Ndarja faktike e Kosovës në linja etnike do të thellohet edhe më tepër

 Berisha: Shqiptarët e Kosovës, një rast i ngjashëm me historinë e Afrikës së Jugut

Shtetet e Bashkuara

Mbretëria e Bashkuar

Gjermania

Franca

Italia

Shqipëria

Afganistani

Australia

Kosta Rika

Letonia

Luksemburgu

Peruja

Senegali

Turqia

Danimarka

Estonia

Polonia

Zvicra

Austria

Belgjika

Irlandada

Suedia

Holanda

Islanda

Sllovenia

Finlanda

Japonia

Kanada

Monako

Hungaria

Kroacia

Bullgaria

Korea e Jugut

Norvegjia

Lihtenshtajni

Ishujt Marshall

Naurua

Burkina Faso

Lituania

San Marino

Çekia

Liberia

Siera Leone

Belize

Kolumbia

Malta

Samoa

Portugalia

Mali i Zi

Maqedonia

Emiratet e Bashkuara Arabe

Malajzia

Mikronesia

Panamaja

Ishujt Maldive