Topi: Shtrirja e EULEX-it nuk duhet të zvarritet

E enjte, 21 nëntor 2008

Presidenti i Republikës së Shqipërisë, Bamir Topi, deklaroi se shteti i ri i Kosovës ka nevojë të inkurajohet duke u bërë pjesë e nismave dhe takimeve rajonale.
Duke folur në forumin ekonomik të Ohrit, Topi theksoi se realiteti i ri gjeopolitik në Ballkan është pjesë e proceseve integruese.
"Procesi i zbatimit të shtrirjes se EULEX-it jo vetëm nuk duhet të zvarritet, por edhe duhet të vlerësojë realitetin e pakthyeshëm të pavarësisë dhe sovranitetit të Kosovës", u shpreh Topi.
Presidenti Topi tha se procesi duhet të ketë karakter të barabartë, integral dhe gjithëpërfshirës dhe t’i shërbejë unifikimit të shoqërisë drejt NATO-s dhe BE-së.

Miliband: Mbështesim integrimin e Kosovës në BE

E enjte, 21 nëntor 2008

Britania e Madhe mbështet Kosovën në të ardhmen e saj evropiane, ka thënë ministri i Jashtëm britanik, David Miliband, pas takimit me krerët e institucioneve të Kosovës, presidentin Fatmir Sejdiu dhe kryeministrin Hashim Thaçi.
Miliband ka shtuar se përshëndet përkushtimin e presidentit dhe kryeministrit kosovar për shtrirjen e plotë të EULEX-it në Kosovë.
"Pavarësisht nga shqetësimet e tyre për planin e Kombeve të Bashkuara, unë jam i impresionuar me qartësinë e përkushtimit të liderëve të Kosovës për të marrë për bazë shqetësimet e pakicës serbe në Kosovë", ka thënë Miliband.

Reuter: EULEX i gatshëm në fillim të dhjetorit

E enjte, 21 nëntor 2008

EULEX-i vazhdon me dislokimin në Kosovë dhe do të jetë i gatshëm nga fillimi i dhjetorit, njoftuan zyrtarë të misionit të BE-së në Prishtinë.
"Dislokimi po shkon mirë. EULEX-i do të jetë i gatshëm nga fillimi i dhjetorit. Ne jemi të gatshëm që prej atij momenti ta zbatojmë mandatin tonë", ka thënë zëdhënësi i misionit, Victor Reuter.
"Prej tash e deri në fillim të dhjetorit do të kemi rreth 1.300 pjesëtarë të personelit ndërkombëtar dhe disa qindra vendorë. Kështu që misioni gradualisht do t'i afrohet numrit prej 2.000 vetësh", ka thënë Reuter.

Grupi Ndërkombëtar për Kosovën takohet në Bruksel

E enjte, 21 nëntor 2008

Grupi Mbikëqyrës Ndërkombëtar për Kosovën do të takohet të premten në Bruksel për të diskutuar zhvillimet në Kosovë, ndërsa po vazhdojnë debatet rreth planit të Kombeve të Bashkuara për vendosjen e misionit evropian.
Ky grup, që bën mbikëqyrjen e zbatimit të marrëveshjes për statusin, përbëhet nga vende, të cilat e kanë njohur pavarësinë e Kosovës, ndërsa kryesohet nga përfaqësuesi i lartë i BE së në Kosovë, Piter Fejt.
Takimi do të mbahet në nivel të drejtorëve për Ballkanin dhe në të do të marrë pjesë edhe ministri i Jashtëm i Kosovës, Skënder Hyseni.

Presidenti Sejdiu e kryeministri Thaçi u takuan me kryeministrin britanik Braun

E enjte, 20 nëntor 2008

Presidenti Sejdiu dhe kryeministri Thaçi janë takuar sot me kryeministrin e Britanisë së Madhe Gordon Brown dhe sekretarin e shtetit David Miliband.
Kryeministri Thaçi, pas takimit tha se “plani 6 pikësh i Sekretarit të përgjithshëm të OKB-së, Ban Ki Mun është i vdekur dhe vetëm plani 4 pikësh i palës kosovare është i gjallë".
Ai tha se Britania e Madhe mbështet shtrirjen e EULEX-it në tërë territorin e Kosovës dhe zbatimin e plotë të pakos së presidentit Marti Ahtisari.
Zyrtarët britanikë thanë se takimi i kryeministrit Brown me krerët kosovarë është në vazhdën e mbështetjes britanike për përparimin që është arritur deri më tani dhe për të çimentuar marrëdhëniet e mira ndërmjet dy vendeve.
Ambasadori britanik në Kosovë, Andrew Sparkes i ka thënë BBC-së para takimit se "Britania e inkurajon Kosovën të vazhdojë me ndërtimin e një shteti shumëkombësh, në përputhje me planin gjithëpërfshirës të Ahtisaarit që është një bazë e marrëveshjes për pavarësi."
Britania, tha ambasadori Sparkes, është aktive në emër të Kosovës në BE dhe në OKB për të promovuar kursin e Kosovës dhe ligjshmërinë si komb me të ardhmen që mund të ndihmojë në botë.
Lidhur me negociatat që janë zhvilluar për vendosjen e EULEX-it në gjithë territorin e Kosovës Sparkes thotë se “duhet gjendur një rrugë për të nënvizuar pozitiven e që është përkushtimi i plotë i udhëheqjes kosovare për rolin e EULEX-it në gjithë vendin."

Arrestohen tre gjermanë të dyshimtë për shpërthimin para ICO-së

E enjte, 20 nëntor 2008

3 shtetasë gjermanë janë arrestuar dje  rreth orës 16,16 nga Policia e Kosovës, si të dyshuar për shpërthimin e 14 nëntorit pranë zyrave të ICO-së në Prishtinë. Policia ka thënë se shtetasit e arrestuar gjermanë ndodheshin privatisht në Kosovë dhe se nuk kanë imunitet diplomatik. Ndërkohë të arrestuarve u është caktuar masa e paraburgimit prej 72 orësh. Policia thotw se nuk dihen motivet e sulmit, ndërsa hetimet rreth rastin vazhdojnë.

Thaçi: Kosova e ka ftuar EULEX-in

E enjte, 20 nëntor 2008

"Kosova e ka mirëpritur dhe e ka ftuar EULEX-in në Kosovë. Do të kemi një bashkëpunim shumë të ngushtë për t'u shtrirë EULEX-i në tërë territorin e Kosovës", i ka thënë BBC kryeministri Hashim Thaçi në prag të takimeve me zyrtarë të lartë shtetëror të Britanisë së Madhe. "Gjashtë pikat e Ban Ki Munit janë në tërësi të papranueshme", ka thënë kryeministri Thaçi dhe ka shtuar se "tani, Kosova ka 4 pikat e veta që janë të perspektivës dhe zgjerimit të EULEX-it në gjithë territorin e Republikës së Kosovës". Këto takime, sipas Thaçit, do të rezultojnë në mbështetje të fuqishme të Britanisë së Madhe për Kosovën.

Demonstratë në mbrojtje të sovranitetit të Kosovës

Prishtinë, 19 nëntor 2008

Dhjetëra mijëra qytetarë kanë demonstruar sot në Prishtinë, kundër planit gjashtëpikësh të Ban Mi Munit dhe kanë bërë thirrje për mbrojtje të sovranitetit të Kosovës.
Demonstruesit thanë se plani i kreut të OKB-së është i papranueshëm për Kosovën, ngase zbatimi i tij do të thotë ndarje për Kosovën, e ndarja do të thotë luftë.
Demonstrata është organizuar nga rrjeti i organizatave joqeveritare dhe Lëvizja VETËVENDOSJE, e në të cilën kanë marrë pjesë edhe shumë figura politike.
Demonstruesit mbanin në duar flamurin kombëtar shqiptar, pankarte në të cilat shkruante “Jo ndarjes së Kosovës”, “S’ban, S’ki, S’mun”, (Ban Ki Mun), “Ta mbrojmë sovranitetin”, ndërsa brohoritjet më të shpeshta kanë qenë “Jo ndarjes së Kosovës”, "Ta mbrojmë sovranitetin”, “Jemi shtet, s’duam eksperiment”, “UÇK”, “Poshtë UNMIK-u”... 

Prishtina paraqet propozimin katërpikësh lidhur me vendosjen e EULEX-it

E martë, 18 nëntor 2008

Nënsekretari amerikan i shtetit për çështje politike, Daniel Frid, ka zhvilluar edhe sot një takim të gjatë me presidentin Fatmir Sejdiu, kryeministrin Hashim Thaçi dhe përfaqësuesin special të BE-së, Piter Fejt, në përpjekje për të gjetur zgjidhje për shtrirjen e EULEX-it në gjithë territorin e Kosovës.
Pas takimit presideni Sejdiu tha se Prishtina zyrtare ka ofruar një plan 4 pikësh për vendosjen e EULEX-it.

1. Jemi për vendosjen sa më të shpejtë të EULEX-it në Kosovës sipas mandatit të paraparë me deklaratën e pavarësisë, dokumentin e presidentit Ahtisari, Kushtetutën e Republikës së Kosovës , ligjet e Kosovës, aksionin e përbashkët të katër shkurtit 2008 dhe ftesën e bërë EULEX-it nga institucionet e Kosovës .

2. Institucionet e Kosovës e refuzojnë në tërësi dokumentin gjashtë pikësh.

3. Institucionet e Kosovës do të bashkëpunojnë ngushtë me EULEX-in në tërë territorin e Kosovës në bazë të mandatit sipas dokumentet të lartpërmendura, duke respektuar sovranitetin dhe integritetin e Kosovës.

4. Institucionet e Kosovës do të bashkëpunojnë si gjithmonë me SHBA-të, BE-në dhe NATO-në

Frid: Oferta e Prishtinës platformë e mirë për të ecur përpara

E martë, 18 nëntor 2008

Nënsekretari amerikan i shtetit për çështje politike, Daniel Frid, pas takimit me presidentin Sejdiu, kryeministrin Thaçi dhe shefin e ICO-së, Fejf tha se pikat e paraqitura nga presidenti Sjeidu, përbejnë një platformë të mirë për të ecur përpara.
“Unë do të shkoj sot në Gjeneve për t’u takuar me Allen Le Roa nga Kombet e Bashkuara për të diskutuar hapat e ardhshëm. Por dua të them se kemi bazë të mirë për të lëvizur në mënyrë produktive“.

Fejt: Jemi të kënaqur me përkushtimin e Qeverisë për të bashkëpunuar me ne

E martë, 18 nëntor 2008

Përfaqësuesi special i BE-së në Kosovë, Piter Fejt, u shpreh i bindur sot se gjërat do të lëvizin përpara dhe misioni i EULEX-it do të shtrihet së shpejti në tërë territorin e Kosovës.
Pas takimit me diplomatin amerikan dhe krerët e Kosovës Fejt tha se “si Union Evropian, mezi po presim shtrirjen e EULEX-it në tërë territorin e Kosovës. Jemi të kënaqur kur dëgjojmë përkushtimin e Qeverisë për të bashkëpunuar me ne, por edhe me Kombet e Bashkuara, për ta bërë të mundur këtë shtrirje. Kemi marrë qëndrimin e qeverisë për këto çështje dhe tani presim t’i implementojmë këto aranzhime“.

Thaçi: Do ta implementojmë planin e Ahtisarit

E martë, 18 nëntor 2008

Kryeministri Hashim Thaçi tha sot se bashkëpunimi me partnerët amerikanë dhe ata evropian nuk do të mungojë as në procesin e shtrirjes së EULEX-it në Kosovë.
“Do të punojmë maksimalisht që gjithë këtë proces ta kalojmë bashkë, duke implementuar me përpikmëri planin e Ahtisarit. E kemi ftuar, i kemi dhënë përkrahje dhe do të bashkëpunojmë ngushtë me EULEX-in për shtrirjen e tij në tërë territorin e Republikës”, tha Thaçi.
Kryeministri Thaçi tha se i tërë ky bashkëpunim bëhet me qëllim që rendi dhe ligji të funksionojnë në tërë territorin e vendit dhe në këtë mënyrë të mos ketë funksionim të strukturave paralele në asnjë pjesë të Kosovës.

Italia zotohet për zbatimin e çdo pike të planit të Ahtisaarit

E martë, 18 nëntor 2008

E kemi njohur pavarësinë e Kosovës, jemi të përgjegjshëm për gjithçka që shkruan në dokumentin e Ahtisaari-t dhe EULEX duhet të vendoset në gjithë territorin e Kosovës, por duhet të gjejmë një gjuhë për të respektuar jo vetëm kërkesat, por edhe gjuhën politike, tha zëvendësministri i Punëve të Jashtme të Italisë, Alfredo Mantica.

Daniel Frid: EULEX-i duhet të vendoset në Kosovë me pëlqimin e  Prishtinës

E hënë, 17 nëntor 2008

Nënsekretari amerikan i shtetit për çështje politike, Daniel Frid, pas takimit me presidentin Sejdiu dhe kryeministrin Thaçi tha se “Kosova është vend i pavarur dhe sovran dhe askush nuk duhet të mendojë të kundërtën. Qeveria e Kosovës është qeveri sovrane, ajo dëgjon mendimet e të tjerëve, por vendimet i merr vet dhe ne duhet t'i respektojmë ato".
Ai tha se EULEX-i duhet të vendoset sa më shpejtë në Kosovë dhe për këtë duhet të merret parasysh qëndrimi i qeverisë në Prishtinë.
“Sa më shpejtë që ne vendosemi në terren, aq më mirë do të jetë, sa më shpejtë që EULEX-i përfundon mandatin e tij, aq më mirë.
Nëse ne e bëjmë punën tonë mirë pas dy vjetësh, askush nuk do ta kujtojë këtë betejë për gjashtë pikat, sepse EULEX-i do të jetë në terren kudo në Kosovë, ne do të lëviznim përpara, njohjet do të vinin, investimet po ashtu, ka të ardhme të mirë për Kosovën", tha Frid.
Ndërkaq presidenti Sejdiu dhe kryeministri Thaçi shprehën falënderimet më të thella për popullin dhe qeverinë amerikane për mbështetjen në kohët më të këqija për Kosovën, por përsëritën qëndrimin kundër planit 6 pikëshit.

Xhons: EULEX s'ka nevojë për deklaratë të KS 17.11.2008

E hënë, 17 nëntor 2008

Diplomati i lartë amerikan për Ballkanin, Stuart Xhons po viziton Beogradin ku po takohet me zyrtarë të lartë serb. Në një intervistë për mediat serbe ai ka thënë se deklarata e kryesisë së Këshillit të Sigurimi nuk është parakusht për vendosjen e misionit të EULEX-it. "Serbia ka kërkuar që për shtrirjen e EULEX-it të shprehet Këshilli i Sigurimit përmes një deklarate nga ana e presidencës. Nëse mund të arrijmë pajtim është mirë, por nëse nuk e arrijmë këtë besoj gjithë pajtohen se e rëndësishme është të shtrijmë EULEX-in", ka thënë Xhons. Sipas tij mospajtimet në Prishtinë për planin 6 pikësh do të zgjidhen gjatë ditëve në vijim.

Daniel Fried po qëndron në Prishtinë

E hënë, 17 nëntor 2008

Nënsekretari amerikan i shtetit për çështje politike, Daniel Fried, po qëndron në Kosovë.
Zoti Fried do të zhvillojë një takim të përbashkët me presidentin e Kosovës Fatmir Sejdiu dhe kryeministrin Hashim Thaçi. Sipas njoftimeve tTemë diskutimi pritet të jetë plani gjashtëpikësh i sekretarit të përgjithshëm të Kombeve të Bashkuara, Ban Ki Mun.

Krasniqi: Askush s'mund të marrë vendime kundër Kushtetutës

E hënë, 17 nëntor 2008

Kryeparlamentari Jakup Krasniqi tha sot se Kuvendi i Kosovës e ka thënë fjalën e vetë më 17 shkurt, ndërsa më 9 prill e ka miratuar Kushtetutën e Kosovës, e cila ka hyrë në fuqi më 15 qershor dhe nëse dikush dëshiron të marrë ndonjë veprim që është kundër Kushtetutës apo ndryshimit të saj, atëherë atë mund ta bëjë vetëm Kuvendi i Kosovës që përfaqëson qytetarët e saj.
Krasniqi tha se çdo kërkesë që nuk i funksionalizon në tërësi institucionet e Kosovës është e papranueshme, dhe nuk e ndihmon sigurinë dhe zhvillimin, e as nuk është në shërbim të sigurisë dhe proceseve demokratike në vendin tonë.
Neve na vjen keq që ka kërkesa që janë kundër kushtetutës, kundër marrëveshjeve ndërkombëtare të arritura deri më tani dhe si të tilla nuk mund të pranohen nga asnjë institucion i Kosovës, tha Krasniqi.

Kuçi: Plani i OKB-së është hartuar në Beograd dhe s’mund të shitet në Prishtinë

E diel, 16 nëntor 2008

Zëvendëskryeministri Hajredin Kuçi deklaroi se plani i Sekretarit të Përgjithshëm të OKB-së për shtrirjen e EULEX-it është hartuar në Beograd dhe ka pasur tendenca që të shitet në Kosovë. Kuçi i bëri thirrje bashkësisë ndërkombëtare që ky plan as të mos vihet në tavolinën e bisedimeve, sepse është në kundërshtim me vullnetin e popullit të Kosovës dhe në kundërshtim me rendin kushtetues.

Qeveria e përkushtuar për zbatimin planit të Ahtisaarit në tërësi dhe në tërë territorin e Kosovës

E diel, 16 nëntor 2008

Përmes një komunikate për opinion Qeveria e Republikës së Kosovës rikonfirmon përkushtimin e saj të palëkundur për zbatimin e Propozimit Gjithëpërfshirës të Presidentit Ahtisaari në tërësinë e tij dhe në tërë territorin e Kosovës.
Në këtë drejtim, Qeveria është e përkushtuar që të thellojë edhe më tej bashkëpunimin me Zyrën Civile Ndërkombëtare dhe z. Pieter Feith, me misionin EULEX dhe z. Yves de Kermabon, si dhe me të gjitha organizatat e tjera ndërkombëtare në vend, që punojnë për të mirën e qytetarëve të Kosovës.

BE mohon t’i ketë dërguar letër Prishtinës për kohën e vendosjes së EULEX-it

E diel, 16 nëntor 2008

Bashkimi Evropian mohon t’i ketë dërguar letër Prishtinës zyrtare për kohën e vendosjes së EULEX-it në Kosovë. Zëdhënësja e Havier Solanës, Kristina Gallak ka deklaruar se shefi i saj nuk ka përgatitur kurrfarë letre për liderët kosovarë dhe se nuk ka dërguar asnjë porosi lidhur me EULEX-in.
Reagimi vjen pas një shkrimi në gazetën "Dnevnik" të Novi-Sadit, sipas të cilit EULEX-i do të nisë punën në Kosovë, më 2 dhjetor, pavarësisht epilogut të bisedimeve që po zhvillohen.

Thaçi: Prishtina nuk sprapset nga vendimi për të refuzuar planin e OKB-së

Prishtinë, 12 nëntor 2008

Kryeministri i Kosovës, Hashim Thaçi, deklaroi se pala kosovare nuk ka lëshuar pe dhe qëndron pas vendimit kundër propozimit 6 pikësh të Sekretarit të Përgjithshëm të OKB-së, Ban Ki Mun, për shtrirjen e misionit të EULEX it në Kosovë.
Prishtina nuk sprapset nga vendimi për të refuzuar planin e OKB-së, theksoi Thaçi, sepse konsideron se shkel Kushtetutën e Republikës së Kosovës.
Ky prononcim i Thaçit vjen një ditë pas thirrjeve të Bashkimit Evropian dhe Kombeve të Bashkuara drejtuar Prishtinës zyrtare për të pranuar propozimin e OKB-së.
Thaçi tha se kundër këtij plani është unifikuar i gjithë spektri politik në Kosovë. Sipas tij, nuk ka presion ndërkombëtar për ta pranuar planin, por ka mirëkuptim për të ecur përpara. Kryeministri tha se pala kosovare është e gatshme për dialog me Bashkimin Evropian dhe Shtetet e Bashkuara të Amerikës rreth kësaj çështjeje.
"Ëndrra e Beogradit për të prekur sovranitetin e Kosovës është varrosur më 17 shkurt", theksoi Thaçi, duke komentuar kushtet serbe për vendosjen e EULEX-it në Kosovë.

Ban Ki-Moon: Prishtina të pranojë planin e OKB-së

Sekretari i përgjithshëm i Kombeve të Bashkuara, Ban Ki-Moon u ka bërë thirrje liderëve të Kosovës që të rishqyrtojnë refuzimin e bërë dhe të miratojnë planin e Kombeve të Bashkuara për vendosjen e misionit EULEX në Kosovë.
Të hënën, presidenti i Kosovës Fatmir Sejdiu dhe kryeministri Hashim Thaçi, e hodhën poshtë planin, i cili parasheh zinxhir të ndryshëm komandues për policinë në zonat me shumicë shqiptare dhe ato serbe.
"Unë shpresoj se Qeveria e Prishtinës do t'i shqyrtojë pozitivisht propozimet e mia dhe këtë proces të bisedimeve për të ardhmen e vendit të tyre", tha kreu i OKB-së.
Ban Ki-Moon u tha gazetarëve në selinë e OKB-së në Nju Jork se ai shpreson që liderët e Kosovës do të veprojnë me ndjenjë realiteti dhe fleksibiliteti ndaj propozimeve të Kombeve të Bashkuara.

Krasniqi: Presion jo demokratik dhe kundërkushtetues

"Presioni që janë duke e bërë mbi institucionet e Kosovës, Kombet e Bashkuara, por edhe Brukseli për të pranuar dokumentin 6 – pikësh të OKB-së, është jo demokratik dhe në kundërshtim me Kushtetutën e Kosovës", ka deklaruar kryetari i Kuvendit të Kosovës Jakup Krasniqi.
"Kryetari Sejdiu dhe kryeministri Thaçi kanë vepruar në harmoni me Kushtetutën dhe me obligimet e tyre ligjore kur kanë hedhur posht dokumentin e propozuar pas bisedimeve ndërmjet OKB-së, Brukselit dhe Serbisë", ka thënë Jakup Krasniqi.

Kuçi: Prishtina nuk do të bëjë asnjë kompromis që shkel Kushtetutën e Kosovës

“Prishtina zyrtare nuk do të bëjë kurrfarë kompromisi që shkel Kushtetutën e Kosovës dhe që cenon integritetin territorial të saj”, ka thënë zv/kryeministri Hajredin Kuçi në një intervistë për RTK-në. Kuçi tha se ky qëndrim do të mbahet deri në përfundim të bisedimeve për planin 6 pikësh të Ban Ki Munit, bisedime këto që po ndërmjetësohen nga vendet perëndimore.

Hedhët poshtë propozimi i imponuar nga Beogradi për shtrirjen e EULEX-it

Presidenti i Republikës së Kosovës, Fatmir Sejdiu dhe kryeministri Hashim Thaçi, në konferencën e jashtëzakonshme për shtyp, të hënën në mbrëmje, thanë se hedhin poshtë propozimin për vendosjes e EULEX-it në Kosovë jashtë përmbajtjes së Pakos së Ahtisarit, sipas kushteve të diktuara nga Beogradi.
Presidenti Sejdiu dhe kryeministri Thaçi thanë se propozimi shkel substancën e sovranitetit dhe integritetit territorial të Republikës së Kosovës.

Në deklaratën e përbashkët të presidentit Sejdiu dhe kryeministrit Thaçi të paraqitur në konferencën për shtyp thuhet:

• Jemi për dialog dhe për t’i kontribuar shtrirjes sa më të shpejtë të EULEX-it në Kosovë, duke respektuar dhe zbatuar Projektin e Presidentit Ahtisaari, Kushtetutën e Republikës së Kosovës dhe ligjet e Republikës së Kosovës.

• Ju informojmë se kemi pasur bisedime për dokumentin e prezentuar nga bashkësia ndërkombëtare si rezultat i bisedimeve me Beogradin, që ka të bëjë me vendosjen e EULEX-it në Kosovë.

• Institucionet e Republikës së Kosovës konsiderojnë se elemente substanciale të dokumentit gjashtëpikësh të prezantuar nuk janë të pranueshme për Kosovën në formën e tanishme të tyre.

• Shprehim gatishmërinë për të vazhduar dialogun me bashkësinë ndërkombëtare (Bashkimin Evropian dhe Shtetet e Bashkuara të Amerikës), për të siguruar vendosjen sa më të shpejtë të EULEX-it në të gjithë territorin e Republikës së Kosovës, duke garantuar bashkëpunimin e plotë me to dhe institucionet e tjera ndërkombëtare.

• Jemi për bashkëpunim të ngushtë dhe fqinjësi të mirë me gjithë vendet fqinje të Republikës së Kosovës, pra edhe me Republikën e Serbisë.

• Besojmë në mirëkuptimin e qëllimit tonë të mirë dhe të përgjegjshëm.

BE të kushtëzojë Serbinë me pranimin e misionit të EULEX-it, thotë Lagendijk

Raportuesi për Kosovën në Parlamentin Evropian, Joost Lagendijk ka kërkuar nga Bashkimi Evropian që ta kushtëzojë afrimin e mëtejshëm të Serbisë me BE-në, me pranimin e misionit të EULEX-it.
"Përparimi i Serbisë në procesin e integrimeve evropiane dhe përmirësimi i bashkëpunimit me Tribunalin e Hagës, janë për t'u lavdëruar - mirëpo, Beogradi nuk guxon të mendojë se qëndrimi i tij ndaj Kosovës dhe afrimi me BE-në janë dy çështje të ndara", ka thënë Lagendijk, pas publikimit të raportit të Komisionit Evropian për Ballkanin.
"Dokumenti i KE-së në mënyrë të butë i bën thirrje Serbisë të jetë konstruktive ndaj Kosovës, derisa qëndrimi i BE-së duhet të jetë i qartë: Obstruksioni ndaj misioneve evropiane në Kosovë, nuk do të tolerohet", ka thënë eurodeputeti holandez.
"Beogradi edhe më tutje po e pengon shtrirjen e EULEX-it në veri të Kosovës. BE nuk guxon t'i lejojë Serbisë të bëjë hapa të mëtejmë drejt anëtarësimit derisa e pengon këtë mision, ka thënë Lagendijk.

Ligjvënësit përshëndesin zgjedhjen e Obamës president të SHBA-ve

Kuvendi i Kosovës përshëndeti zgjedhjen e senatorit Barak Obama për president të Shteteve të Bashkuara të Amerikës. Në fillim të seancës së sotme, Kuvendi u angazhua për thellim të miqësisë dhe bashkëpunimit me SHBA-të. “Përgëzojmë zotin Obama për fitoren historike, por përgëzime meritojnë edhe presidenti Bush dhe kandidati Mekejn”, tha kryeparlamentari Jakup Krasniqi.
Kosova falënderon Shtetet e Bashkuara për mbështetjen e vazhdueshme, tha Krasniqi.

Miliband: Britania do t’iu qëndrojë pranë në rrugën drejt integrimit në BE

Qeveria e Britanisë e ka përkrahur rrugën tuaj të vështirë deri në pavarësimin e Kosovës dhe do t’iu qëndrojë pranë në rrugën drejt prosperitetit dhe integrimit në BE, tha të mërkurën shefi i diplomacisë britanike, David Miliband, pas takimit me krerë të institucioneve të vendit.
Ai tha se Britania dëshiron që ekonomia kosovare të përparojë.
Ndërsa në fjalimin e tij para deputetëve të Kuvendit të Kosovës Miliband tha se Britania është krenare të qëndrojë pranë Kosovës, Serbisë dhe vendeve të tjera të Ballkanit për të gjetur të ardhmen tuaj në familjen evropiane. “Kosova e ka një vend në tavolinën evropiane”, tha ai.

Pak: Serbia nuk guxon të pengojë BE-në në Kosovë

Kryetarja e delegacionit të Parlamentit Evropian për Evropën Jugindore, Doris Pak, ka deklaruar se "Serbisë nuk guxon t'i lejohet që të pengojë BE-në në punën me popullsinë e Kosovës".
"Ne kemi ndërmend që me EULEX-in të punojmë në interes të të gjithë njerëzve që jetojnë atje, në radhë të parë të serbëve që atje jetojnë, e kjo është zbatimi në vepër i planit të Ahtisarit dhe të asaj që është në Kushtetutën e Kosovës", ka thënë Doris Pak për "Dojçe velen".

Thaçi: Nuk pranohet shtrirja parciale e EULEX-it

Kryeministri i Kosovës Hashim Thaçi tha të premten se nuk pranohet shtrirja parciale e EULEX-it.
Kryeministri Thaçi ritheksoi qëndrimin e institucioneve të Kosovës se misioni policor dhe gjyqësor i Bashkimit Evropian , EULEX, duhet të shtrijë autoritetin e vetë në të gjithë territorin e Kosovës, ndërsa tërhoqi vërejtjen se kjo shtrirje nuk do të tolerohet të jetë parciale.

Mbledhja e GO me veprimtarët e LPK-së të ardhur nga Gjermania dhe Zvicra

Ndryshimet - hap shumë i qëlluar

Nën kryesinë e Gafurr Elshanit, kryetar, Grupi i Organizimit të Mbledhjes së 8-të të Përgjithshme të Lëvizjes Popullore të Kosovës, ka mbajtur mbledhje me veprimtarët e ardhur nga Gjermania dhe Zvicra.
Në fillim të mbledhjes kryetari i GO, Gafurr Elshani, i ka njoftuar veprimtarët e LPK-së në Perëndim për rrjedhën e pjesës së parë të Mbledhjes së 8-të të Përgjithshme të LPK-së dhe për vendimet e marra në këtë mbledhje.
Rexhë Iberdemaj, veprimtar i LPK-së në Gjermani, tha se ai dhe shumica e veprimtarëve në Gjermani i kanë mirëpritur vendimet e marra në pjesën e parë të Mbledhjes së 8-të të Përgjithshme të Lëvizjes Popullore të Kosovës, të mbajtur më 4 tetor 2008.
Diskutimet e veprimtarëve të LPK-së nga Gjermania në mbledhje dhe paraqitjet kundërshtuese, Iberdemaj i ka vlerësuar qëndrime individuale. Ne, Dega në Gjermani do të mbajmë shpejtë mbledhjen dhe do ta dërgojmë qëndrimin tonë, tha Iberdemaj.
Është koha që të ndryshohen gjërat, tha Iberdemaj dhe shtoi se Lëvizja ka ditur të bëjë kthesa në kohë edhe më të vështira.
Prandaj dashamirët e LPK-së i vlerësojnë si hap shumë të qëlluar vendimet e marra, ndërsa kundërshtarët tanë politikë kanë pësuar një nokaut, pasi nuk kanë pritur që LPK të ndryshojë.
Murat Bytyçi, kryetar i Degës së LPK-së në Zvicër, tha se Dega që përfaqëson ka analizuar vendimet e marra në pjesën e parë të Mbledhjes së 8-të të Përgjithshme.
Ai tha se, ashtu siç është njoftuar me shkrim, Dega në Zvicër përkrah vendimet e marra.

Thaçi: Prishtina mund të bisedojë me Beogradin vetëm në nivel të barabartë

17 shkurti ka vulosur fatin e Kosovës dhe takimet me Serbinë mund të zhvillohen vetëm në nivel të të barbartëve, tha të enjten kryeministri Hashim Thaçi duke komentuar paralajmërimet për takime eventuale Beograd - Prishtinë.

Krasniqi: Kosova edhe në Hagë do ta mundë Serbinë

Kryeparlamentari i Kosovës, Jakup Krasniqi në një intervistë për KosovaLive, kundërshtoi çdo tentativë për t’i ulë në bisedime Prishtinën dhe Beogradin për çështjen e statusit, ndërkaq është optimist se Kosova ka argumente të mjaftueshme për ta mundur Serbinë edhe në rrafshin e të drejtës ndërkombëtare.

TMK-ja shpërbëhet më 10 dhjetor, FSK krijohet në qershor 2009

Trupat Mbrojtëse të Kosovës do të shpërbëhen më 10 dhjetor të këtij viti, ndërsa Forca e Sigurisë e Kosovës, do të fillojë së funksionuari në mesin e qershorit të vitit të ardhshëm.

GO i LPK-së u takua me përfaqësuesen e fondacionit Friedrich Ebert Stiftung në Kosovë

Prishtinë, 21 tetor 2008

Anëtarët e Grupit të Organizimit të Mbledhjes së 8-të të Përgjithshme të Lëvizjes Popullore të Kosovës, Dritëro Kadolli dhe Nuhi Paçarizi, janë takuar sot me znj.Besa Luzha, koordinatore e programit të Fondacionit Friedrich Ebert Stiftung, zyra në Prishtinë.
Anëtarët e GO të LPK-së e informuan znj.Luzha për profilizimin e Lëvizjes Popullore të Kosovës, në subjekt politik të majtë të qendrës dhe u interesuan për mundësinë e një bashkëpunimi më të përafërt me këtë fondacion.
Znj.Besa Luzha, koordinatore e programit të FES-it në Kosovë, tha se fondacioni që përfaqëson është i interesuar të bashkëpunojë me të gjitha subjektet politike të spektrit të qendrës së majtë.
Ajo shprehu gatishmërinë për zgjerimin e bashkëpunimit të FES-it me LPK-në, në suaza të programit të këtij fondacioni për përkrahje të partive të spektrit të qendrës së majtë.

 Miliband: Mbështesim integrimin e Kosovës në BE

 Londra thotë se nuk mbështet asnjë plan, kërkon zgjidhje të shpejtë për EULEX-in

 Sejdiu: S'ka arsye që EULEX-i të mos vendoset në dhjetor

 Topi: Shtrirja e EULEX-it nuk duhet të zvarritet

 Ende nuk është caktuar seanca e KS, as publikimi i raportit

 Grupi Ndërkombëtar për Kosovën takohet të premten në Bruksel

 Ipeshkvi i Çekisë: Kosova model i bashkëjetesës fetare

 Berlini konfirmon arrestimin e tre shtetasve gjermanë pa dhënë hollësi

 Krerët shtetërorë të Kosovës po zhvillojnë një vizitë zyrtare në Londër

 Presidenti Sejdiu e kryeministri Thaçi takohen me kryeministrin britanik Gordon Brown

 Thaçi: Kosova e ka ftuar EULEX-in

 Arrestohen tre gjermanë të dyshimtë për shpërthimin para ICO-së në Prishtinë

 Kuçi: Plani gjashtë pikësh mund të krijojë kriza dhe jostabilitet

 FES i bën thirrje BE-së që mos t'i përsëris gabimet e UNMIK-ut

 Studiuesit ndërkombëtarë thonë se klasa politike kosovare është në gjumë veror

 Pozita dhe opozita pajtohen me refuzimin e planit gjashtë pikësh, por jo edhe me strategjinë e mëtutjeshme të veprimit

 Pas shumë kritikave Kuvendi miratoi Raportin për gjendjen mjedisore

 Kosovës i duhet një trajtim më serioz i imazhit, vlerëson një raport i Forumit 2015 dhe Iniciativës Kosovare për Stabilitet

 Demonstratë në Prishtinë: Jo ndarjes së Kosovës – ta mbrojmë sovranitetin!

 EULEX-i të shtrihet në Kosovë në marrëveshje me Prishtinën, jo me Beogradin, kërkuan pjesëmarrësit në demonstratën e Prishtinës

 Albin Kurti: Ndërkombëtarët duhet ta ndihmojnë Kosovën, e jo ta sundojnë

 Sejdiu: EULEX-i s’ka kuptim pa shtrirje në gjithë territorin e Kosovës

 Kermabon: Në fillim të dhjetorit nisë misioni EULEX në Kosovë

 Presidenti Sejdiu e kryeministri Thaçi udhëtuan në Britani të Madhe, ku do të takohen me kryeministrin Brown dhe ministrin e Jashtëm Miliband

 Bakojanis: Greqia së shpejti do ta njoh Kosovën

 Gjenerali Çaplin: Transformimi i TMK-së në FSK po zhvillohet sipas dinamikës së paraparë

 Rrustem Mustafa premtoi zgjidhje për shqetësimet e pjesëtarëve të TMK-së

 Të premten Havier Solana takohet me Ban Ki Munin, temë diskutimi EULEX-i

 Rexhepi: Situata në veri e tensionuar - strukturat e sigurisë duhet të krijojnë një ambient të sigurt për të gjithë

 Ban Ki Mun nuk heqë dorë nga plani gjashtëpikësh, thotë zëdhënësi i tij

 Prishtina paraqet propozimin katërpikësh lidhur me vendosjen e EULEX-it

 Frid: Oferta e Prishtinës përbën një platformë të mirë për të ecur përpara

 Daniel Frid: EULEX-i duhet të vendoset në Kosovë me pëlqimin e Prishtinës

 Nënsekretari amerikan i shtetit për çështje politike, Daniel Frid, po qëndron në Kosovën

 Krasniqi: Askush s'mund të marrë vendime kundër Kushtetutës

 Kuçi: Plani i OKB-së është hartuar në Beograd dhe s’mund të shitet në Prishtinë

 Qeveria thotë se është e përkushtuar për zbatimin planit të Ahtisaarit në tërësi dhe në tërë territorin e Kosovës

 Thaçi: Elementet substanciale të Planit gjashtë pikësh kanë qenë, janë dhe do të mbesin të papranueshme

 Sipas shtypit gjerman BE i ka dhënë afat deri të premten udhëheqjes së Kosovës

 Parlamentarët kosovarë marrin pjesë në Asamblenë Parlamentare të NATO-s

 Kosova nuk do të vendosë taksa për qytetarët e Maqedonisë

 Diskutohet legjislacioni kundër korrupsionit në Kosovë

 Thaçi: Prishtina nuk sprapset nga vendimi për të refuzuar planin e OKB-së

 Ëndrra e Beogradit për të prekur sovranitetin e Kosovës është varrosur më 17 shkurt, thotë kryeministri Thaçi

 Ban Ki-Moon u bënë thirrje liderëve të Kosovës që të rishqyrtojnë refuzimin e bërë dhe të miratojnë planin e OKB-së për vendosjen e EULEX-it në Kosovë

 Krasniqi: Po bëhet presion jo demokratik dhe kundërkushtetues ndaj institucioneve të Kosovës

 Prishtina hedhë poshtë propozimin e negociuar me Serbinë për shtrirjen e EULEX-it

 Brukseli ende në kërkim të një zgjidhjeje rreth shtrirjes së EULEX-it

 Këshilli i Sigurimit nesër shqyrton raportin për Kosovën

 Opozita kërkon nga qeveria që t’i bëjë ballë presionit lidhur me kushtet e vendosjes së Eulex-it

 Beqaj: Arritja e marrëveshjes 6 pikeshe me Beogradin do të dëmtonte ekonominë kosovare

 Nuk është arritur pajtim për gjetjen e ndonjë kompromisi rreth 6 pikave të Ban Ki Moon

 Kermabon: EULEX do të mbështes autoritetet e Kosovës

 Kuvendi ka miratuar grupin e shtatë të projektligjeve nga Propozimi i Martti Ahtisarit

 Ministri Hyseni do të jetë i pranishëm më mbledhjen e radhës të Këshilli të Sigurimit

 Beogradi pohon se janë pranuar kushtet e tyre për Eulexin, Brukseli pa qëndrim të qartë

 Shtefan Leene:Fillimi i punës së EULEX-it mund të shtyhet sërish

 Ministri Pajaziti: Lufta kundër korrupsionit dhe krimit prioritet qeveritar

 Biberaj i kërkon OKB-së të hetojë gjenocidin serb në Kosovë

 Integrimi evropian i Kosovës mbetet në fazën fillestare, thotë përfaqësuesi i KE, Kaldoun Sinno

 Lagendijk: Serbia të kushtëzohet me pranimin e EULEX-it

 Kuvendi i Kosovës përshëndeti zgjedhjen e Obamës për president të SHBA-ve

 Miliband: Britania do t’iu qëndrojë pranë në rrugën drejt integrimit në BE

 Solana: EULEX-i, në dhjetor, pritet të vendoset në tërë Kosovën

 Barak Obama zgjidhet president i Shteteve të Bashkuara të Amerikës

 Sejdiu: Shpresoj që edhe Obama President do ta mbështesë Kosovën

 Obama: Forca e Amerikës buron nga idealet e demokracisë dhe lirisë

 Kaidanow: SHBA do të vazhdojë përkrahjen për Kosovën

 Shefer: NATO përkrah Forcën e Sigurisë së Kosovës

 Malajzia e njeh pavarësinë e Kosovës – arrin në 52 numri i njohjeve

 Nuk pranohet shtrirja parciale e EULEX-it, thotë kryeministri Thaçi

 Gallach: Marrëveshja mbi EULEX-in do të arrihet deri në dhjetor

 Rexhepi kritikon UNMIK-un për incidentin në veri

 Mujota: Zhvillimet drejt formimit të FSK-së po shkojnë në kahun e duhur

 Komisioni Evropian njeh progresin në Kosovë, por thotë se çështja e korrupsionit mbetet brengosëse

 Sejdiu: Serbia nuk mund të ketë qëndrim hegjemonist ndaj Kosovës dhe të kërkojë anëtarësim në BE

 TMK kërkon shqyrtimin e të gjitha mundësive për sistemimin e pjesëtarëve të saj, që do mbesin jashtë FSK

 Thaçi: 17 shkurti ka vulosur fatin e Kosovës - me Serbinë mund të bisedohet vetëm si dy vende të pavarura

 Krasniqi: Kosova edhe në Hagë do ta mundë Serbinë

 Sejdiu: Ekzistojnë përpjekje të kota që Kosovën ta rifusin edhe njëherë në proces të bisedimeve

 Bajden pavarësinë e Kosovës e interpreton si sukses të madh personal dhe politik

 Javët e ardhshme përshpejtohet dërgimi i EULEX-it në Kosovë, thotë Galak

 TMK-ja shpërbëhet më 10 dhjetor, kurse FSK-ja krijohet në qershor 2009

 Rexhepi: Strukturat paralele në veri po i politizojnë edhe projektet ekonomike

 SHBA nënshkruajnë marrëveshje me BE-në për pjesëmarrje në misionin EULEX

 Romë: Kryeministri Thaçi merr pjesë në konferencën vjetore të Akademisë së Paqes

 Xherard Galluçi, administrator ndërkombëtar i Mitrovicë, konfirmon largimin e tij nga Kosova

 Diplomatët kosovarë të dielën nisen në misionet e tyre

 Për Kosovën nuk mund të vendos Beogradi, thonë presidenti Sejdiu dhe kryeministri Thaçi

 Ahtisari: Serbia nuk do të ketë opsion tjetër pos që ta njohë shtetin e ri ballkanik – Kosovën

 Feith: Beogradi të ecë përpara e të bashkëpunojë me BE për ruajtjen e stabilitetit në rajon

 Shala: Kosova është një hap më afër anëtarësimit në FMN dhe Bankën Botërore

 Parlamenti i Kosovës miratoi Rezolutën për Deklaratën e Mijëvjeçarit

 Kermabon: Fanatikët në veri të Kosovës pengojnë EULEX-in

 Teral: Mendimi i Gjykatës nuk ndryshon asgjë, pavarësia e Kosovës është realitet

 Emiratet e Bashkuara Arabe njohën pavarësinë e Kosovës

 Vendet e Beneluksit njohin pasaportat e Republikës së Kosovës

 Mali i Zi dhe Maqedonia njohën pavarësinë e Kosovës

 Rehn: Bashkimi Evropian do të ketë rol të fuqishëm në Kosovë

 Hungaria dhe Letonia i njohin pasaportat e Republikës së Kosovës

 Sawers: Mendimi këshillues i Gjykatës Ndërkombëtare të Drejtësisë nuk do të përcaktojë asgjë

 Institucionet e Kosovës shprehin keqardhje që Asambleja e Përgjithshme e OKB-së miratoi rezolutën serbe

 Portugalia njohu pavarësinë e Kosovës

Shtetet e Bashkuara

Mbretëria e Bashkuar

Gjermania

Franca

Italia

Shqipëria

Afganistani

Australia

Kosta Rika

Letonia

Luksemburgu

Peruja

Senegali

Turqia

Danimarka

Estonia

Polonia

Zvicra

Austria

Belgjika

Irlandada

Suedia

Holanda

Islanda

Sllovenia

Finlanda

Japonia

Kanada

Monako

Hungaria

Kroacia

Bullgaria

Korea e Jugut

Norvegjia

Lihtenshtajni

Ishujt Marshall

Naurua

Burkina Faso

Lituania

San Marino

Çekia

Liberia

Siera Leone

Belize

Kolumbia

Malta

Samoa

Portugalia

Mali i Zi

Maqedonia

Emiratet e Bashkuara Arabe

Malajzia