Lëvizja Popullore e Kosovës

Lidhja Demokratike e Kosovës sipas rezultateve të zgjedhjeve dhe marrëveshjeve me partnerët e koalicionit e ka fituar të drejtën për të propozuar para nesh kandidatin për kryetar të Kosovës.

Kandidatura e z. Rugova që u paraqit duhet të bie për arsye se ai në veprimtarinë e tij nuk është treguar i përgjegjshëm para organeve që e zgjedhin, si në vitet 90-të para lufte, si gjatë lufte, si pas saj. Ai nuk përfaqësoi dhe nuk përfaqëson unitetin e popullit..., siç e kërkon ky post.

Z. Rugova, siç dihet, publikisht UÇK-në dhe forcat politike që kanë qëndruar prapa saj i ka kundërshtuar dhe i ka quajtur në mënyrë të përsëritur krijesa të Serbisë.

Ndërsa, siç dihet, gjithashtu publikisht, gjatë kohës së luftës zotëri Rugova ka takuar kreun e agresionit serb, Millosheviqin dhe Millutinoviqin. Njëkohësisht ka kërkuar ndaljen e bombardimeve të NATO-së kundër caqeve serbe në kohën kur këto të fundit kryenin masakra mbi popullin e Kosovës.

Në fillim të mandatit të kaluar legjislacioni i Kosovës e obligonte atë që të ushtronte vetëm postin e kryetarit të Kosovës duke lënë postin partiak, për të qenë kryetar i të gjithëve, ndërsa ai përsëri preferoi të jetë kryetar vetëm i anëtarëve të LDK-së.

Më 14 tetor 2003, z. Rugova ka shkuar në Vjenë për të biseduar me përfaqësues të Beogradit pa marrë pëlqimin e Kuvendit.

Zotëri Rugova ka paraqitje jo serioze para përfaqësuesve ndërkombëtarë. Atyre u kërkon njohjen "formale" të pavarësisë së Kosovës në kohën kur, edhe për mospunën e tij, vendit tonë nuk i është rregulluar dokumentacioni i pavarësisë dhe rrjedhimisht ndërkombëtarët nuk kanë pasur çka të njohin "formalisht" kur nuk u është dhënë asnjë dokument me shkrim i instituconeve të Kosovës.

Për arsyet e cekura më lartë unë do të votojë kundër kësaj kandidature duke i ftuar edhe deputetët tjerë që të bëjnë të njëjtën gjë. Njëherit ftojmë LDK-në që të paraqesë një kandidaturë tjetër për shqyrtim dhe votim.

(Prishtinë, 3 dhjetor 2004

◄ kthehu

Veprimtaria e

LPK-së në

Kuvendin e Kosovës

28 janar 2005

█ Lidhur me Projektligjin për Buxhetin e Konsoliduar të Kosovës për vitin 2005

26 janar 2005

█ Paraqitja e deputetit të LPK-së, Emrush Xhemajli, në seancën e Kuvendit të Kosovës, të mbajtur më 26 janar 2005

... Lidhur me Projektligjin Për të Drejtat e Pjesëtarëve të Luftës së UÇK-së, të Familjeve të Dëshmorëve dhe Viktimave Civile të Luftës

... Lidhur me Projektligjin për Prokurorinë Publike të Kosovës

22 dhjetor 2004

█ Qëndrimi i LPK-së për Programin e Qeverisë së Kosovës 2004-2008

3 dhjetor 2004

█ Xhemajli u ka bërë thirrje deputetëve që të zgjedhin një kryetar tjetër në vend të z.Ibrahim Rugova

........

Biografia e kryetarit të LPK-së Emrush Xhemajli

U lind më 1 maj 1959 në Komogllavë të Ferizajit. Shkollën fillore e ka mbaruar në vendlindje, ndërsa të mesmen në Ferizaj. Gjatë vitit 1976 i takon grupit ilegal të nxënësve. Gjatë kohës sa ishte student i letërsisë shqiptare dhe artit figurativ, dega e pikturës në Prishtinë (1979), arrestohet nga okupatori serb dhe dënohet me 3 vjet e gjysmë burgim për çështje politike. Dënimin e vuajti në Mitrovicë të Sremit. Pas burgut hyn në organizimet e Lëvizjes Popullore të Kosovës (në atë kohë LRSHJ-së). Më 7 janar 1984 i ikën policisë që kishte shkuar në shtëpinë e tij për ta arrestuar sërish dhe kalon në ilegalitet. Në prill të atij viti arratiset dhe vendoset në Zvicër. Gjatë kohës sa qëndroi në mërgim, tri vitet e para ishte anëtar i redaksisë së “Zërit të Kosovës” dhe ka hapur disa ekspozita personale dhe kolektive të pikturës. Ndërsa nga viti 1987 zgjedhet sekretar i LPK-së, Dega Jashtë Vendit. Në vitin 1991-1993 ishte delegat i Degës së LPK-së Jashtë Vendit në Mbledhjen e III-të, përkatësisht IV-të, që u mbajtën në Ujmirë të Drenicës dhe në Prishtinë. Në Ushtrinë Çlirimtare të Kosovës është nga fillimi i punës së saj më 1994. Nga maji i vitit 1998 deri në fund të luftës për çlirimin e Kosovës ishte ndihmëskomandant për administratë të përgjitshme në Zonën Operative të Dukagjinit. Më 1999 okupatori serb e dënoi, në mungesë, më 15 vjet burg. Më 28 Nëntor 1999 u vetëdemobilizua nga TMK-ja dhe kaloi prapë në jetën politike. Në Kuvendin e V-të të LPK-së, mbajtur në korrik të vitit 2000, delegatët e zgjodhën kryetar të LPK-së. Mbështeti politikisht luftën e armatosur çlirimtare të pjesëve të popullit shqiptar në Kosovën Lindore dhe në Maqedoni. Jashtë çdo rregulloreje legale u hoq nga lista zgjedhore për deputetë të Kuvendit të Kosovës në zgjedhjet e vitit 2001. Në vitin 2001 në mbledhjen e VI të Përgjithshme u rizgjodh kryetar i LPK-së, gjithashtu edhe në vitin 2004 në Mbledhjen e VII të Përgjithshme u rizgjodh kryetar i LPK-së. Është i martuar, babë i tre fëmijëve. Jeton në Prishtinë. Nga gjuhët e huaja flet frengjishten dhe gjuhën që e mësoi në burg.

	©2003 Lëvizja Popullore e Kosovës