Formohet Dega e Partisë Socialiste në Rahovec

- Kryetar i Degës u zgjodh Ymer Vuçiterna

Të enjten, në Rahovec u formua Dega e Partisë Socialiste të Kosovës.
Në mbledhjen themeluese të Degës së Partisë Socilaiste në Rahovec ishin të pranishëm edhe zyrtarët e lartë të partisë, Ilaz Kadolli, anëtar i Kryesisë, Dritëro Kadolli, drejtor ekzekutiv dhe Selim Gashi, anëtar i Këshillit Mbikëqyrës.
Formimi i Degës në Rahovec është rezultat i interesimit të qytetarëve të kësaj komune për t’u anëtarësuar në Partinë Socialiste dhe gatishmërisë së treguar për realizimin e programin të kësaj partie.
Kryetar i Degës së Partisë Socialiste në Rahovec është zgjedhur Ymer Vuçiterna.
 

PSK formoi Fondacionin për Edukim të Majtë “Kadri Zeka”

- Udhëheqës i Fondacionit “Kadri Zeka” është emëruar Arben Rashkaj

Prishtinë, 20 qershor 2009
Kryesia e Partisë Socialiste të Kosovës, në mbledhjen e saj të dytë, duke u mbështetur në vendimin e Mbledhjes së Përgjithshme për formimin e Fondacionit për Edukim të Majtë, ka marrë vendim që ky fondacion të quhet Kadri Zeka.

Udhëheqës i Fondacionit për Edukim të Majtë “Kadri Zeka”, është emëruar Arben Rashkaj.

Edukimi i majtë kishte filluar disa muaj para mbajtjes së mbledhjes së përgjithshme të 30 majit, me projektin shkolla politike për të majtën në Kosovë. Projekti ka zgjatur tetë javë, ndërsa kanë ligjëruar ekspertë të fushave të ndryshme.

KONFERENCË PËR MEDIA E KRYETARIT TË PARTISË SOCIALISTE TË KOSOVËS, EMRUSH XHEMAJLI

Xhemajli: Ka interesim dhe gatishmëri të qytetarëve për anëtarësim në PSK

Prishtinë, 16 qershor 2009
Jemi në prag të nisjes së përgatitjeve për zgjedhjet lokale. Kemi filluar konsultimet me Degët e PS për listat e kandidatëve për Asambletë Komunale dhe për Kryetarët e Komunave.

PSK ka filluar konsultimet e para lidhur me atë se si do të dilet në zgjedhje. Ne, tha kryetari Xhemajli, në këto zgjedhje do të dalim vetëm. Por, në vendet ku është interesi i përbashkët do të shohim mundësinë e kandidatëve ose listave të përbashkëta.

Kryetari i PSK-së, uroi Ministrinë e Punëve të Brendshme për suksesin në identifikimin dhe arrestimin e 3 të dyshuarve lidhur me dëshmitë e rrejshme kundër UÇK-së./vazhdon

Këshilli i Përgjithshëm i PSK-së, i dalë nga Mbledhja e Përgjithshme mbajti mbledhjen e parë


Kryesia e Partisë Socialiste të Kosovës


PSK zgjodhi kryesinë

- Gafurr Elshani, sekretar i përgjithshëm
- Dritëro Kadolli, drejtor ekzekutiv

14 qershor 2009 – Sot, në Prishtinë, është mbledhur Këshilli i Përgjithshëm i Partisë Socialiste të Kosovës i dalë nga Mbledhja e Përgjithshme, mbajtur më 30 maj.
Këshilli i Përgjithshëm ka zgjedhur Kryesinë prej 21 anëtarësh + kryetari Emrush Xhemajli i zgjedhur në Mbledhjen e Përgjithshme.
Anëtarë të Kryesisë janë zgjedhur: Gafurr Elshani, Sylë Zhitia, Dritëro Kadolli, Nuhi Paçarizi, Rexhë Iberdemaj, Ali Halimi, Ilaz Kadolli, Ali Buzhala, Teuta Temaj, Fatos Rushiti, Arben Rashkaj, Ilir Ejupi, Bekim Ademi, Rexhep Ahmeti, Fadil Rexhepi, Valon Shabani, Milikije Ukzmajli, Gëzim Gega, Besnik Mustafa, Pleurat Salihu dhe Rrezarta Ahmetxhekaj.
Një nga vendimet e veçanta që kishte marrë Partia Socialiste e Kosovës, në Mbledhjen e Përgjithshme, ishte edhe formimi i Forumit të Veteranëve të LPK-së. Për organizimin e këtij Forumi, Këshilli i Përgjithshëm ka zgjedhur: Naim Zhitia, Taf Tafa, Ismet Kadriu dhe Adem Kadolli.
Ndërkaq në Komisionin Programor dhe Statutar, që do të bëjë harmonizimin e vërejtjeve dhe sugjerimeve të bëra në projektin e propozuar në Mbledhjen e Përgjithshme, janë zgjedhur Ilaz Kadolli, Fatos Rushiti, Arben Rashkaj, Rexhep Ahmeti dhe Rexhë Iberdemaj.
Këshilli i Përgjithshëm i PSK-së ka zgjedhur edhe Këshillin Mbikëqyrës, që do të kontrollojë rregullsinë e funksionimit të organeve ekzekutive. Anëtarë të Komisionit janë zgjedhur: Ramadan Halimi, Selim Gashi dhe Tefik Durmishi.
Pas mbledhjes së Këshillit të Përgjithshëm është mbajtur mbledhja e Kryesisë së Partisë Socialiste të Kosovës në përbërje të re. Kryesia e PSK-së, në mbledhjen e parë të mbajtur të dielën, ka zgjedhur Gafurr Elshanin sekretar të përgjithshëm të PSK-së.
Kryesia ka zgjedhur edhe drejtorin e PSK-së. Drejtor është zgjedhur Dritëro Kadolli, kurse sekretarët do të zgjidhen në mbledhjet e ardhshme.

Kryetari i PSK-së, Emrush Xhemajli priti kryetaren e ORA-s, Teuta Sahatçiu

ORA uron Partinë Socialiste dhe shprehet e gatshme për bashkëpunim

Prishtinë, 8 qershor 2009
Kryetari i Partisë Socialiste të Kosovës, Emrush Xhemajli, me anëtarët e KP Gafurr Elshani, Dritëro Kadolli e Nuhi Paçarizi, priten sot në vizitë kryetaren e Partisë reformiste ORA, Teuta Sahatçiu dhe nënkryetarin e kësaj partie Besnik Krajku.
Kryetarja e ORA-s, Teuta Sahatçiu, pasi falënderoi për pritjen tha se qëllimi i vizitës është që t’i uroj Partisë Socialiste të Kosovës kuvendin e mbajtur para pak ditësh dhe për kurajën e treguar në vendimet e marra në këtë kuvend.
Xhemajli dhe Sahatçiu u pajtuan se pas pavarësisë së Kosovës ka pasur nevojë për profilizimin e partive politike.
Xhemajli tha se ne dëshirojmë një bashkëpunim të ngushtë me të majtën, ORA-n dhe subjektet tjera. Ai tha se në fushën e zhvillimit ekonomik qasjen do ta kemi të njëjtë me të majtën. Ndërsa, në çështje të tjera, për të cilat kërkohet angazhimi i gjithë spektrit politik, Xhemajli tha se do të bashkëpunojmë edhe me subjekte të tjera.
Gafurr Elshani, anëtar i KP të PSK-së, tha se është mirë që ta rrisim bashkëpunimin, pasi jemi subjekte të majta, duke propozuar që për çështje të caktuara të dilet me qëndrime të përbashkëta.
Kryetarja e ORA-s, Teuta Sahatçiu, shprehu gatishmërinë që për çështje të përbashkëta të dilet bashkë, qoftë në konferenca shtypi ose tryeza.
Ndërkaq, nënkryetari i ORA-s, Besnik Krajku, pasi shprehu përgëzime për vendimet e marra tha se “me të vërtet e keni pasuruar skenën politike”.
Krajku me këtë rast citoi ish-kryeministrin britanik Toni Bler të ketë thënë se “e majta dhe e djathta janë ofruar nga qendra, mirëpo në favor të së majtës dhe jo të së djathtës”.
Ndërkaq anëtari tjetër i KP të PSK-së, Dritëro Kadolli, tha se ne do të jemi të disiplinuar sikurse e majta evropiane.
Në takim u përmendën edhe zgjedhjet lokale, për kohën e mbajtjes së të cilave PSK dhe ORA kanë mendim të përafërt, fundi i tetorit ose fillimi i nëntorit.
Në lidhje me koalicionet e mundshme parazgjedhore u tha se iu takon organeve të të dyja partive që të vendosin, nëse do të garohet vetëm apo në koalicion.
Në fund të takimit kryetari Xhemajli tha se do të identifikojmë fushat në të cilat mund të bashkëpunojmë.
 

FJALA E KRYETARIT EMRUSH XHEMAJLI NË MBLEDHJEN E PËRGJITHSHME

Xhemajli: Duhet të krenohemi me Kosovën, por jo edhe me arritjet në shoqërinë tonë
                                                                     

FJALA E GAFURR ELSHANIT, KRYETAR I GRUPIT TË ORGANIZIMIT TË MBLEDHJES SË 8-TË TË PËRGJITHSHME

Elshani: Rrugëtimi ynë i gjatë ishte i vështirë, me sprova e sakrifica të panumërta, por me shumë suksese
                                                                    

FJALA E DRITËRO KADOLLIT, ANËTAR I GRUPIT TË ORGANIZIMIT TË MBLEDHJES SË 8-TË TË PËRGJITHSHME


Kadolli: Partia Socialiste do të bëhet një forcë aktive politike e zhvillimit
                                                                    

FJALA E ARBEN RASHKAJT, ANËTAR I KËSHILLIT TË RRETHIT NË PRIZREN

Rashkaj: Ka ardhur koha që vendi ynë të ndryshojë vërtet për të mirë, ka ardhur koha që ndryshimin ta bëjmë Ne socialistët
                                                                    
 

Mbledhja e 8-të e Përgjithshme vendosi që LPK të quhet

Partia Socialiste e Kosovës

30 maj 2009

Lëvizja Popullore e Kosovës në Mbledhjen e 8-të të Përgjithshme (pjesa e dytë), që u mbajt sot në Prishtinë vendosi që të quhet Partia Socialiste e Kosovës.

Në mbledhjen, në të cilën ishin të pranishëm 111 delegatë, 106 votuan që LPK të quhet PSK, 3 ishin kundër, ndërsa 2 të tjerë abstenuan nga votimi.

Kryetar i Partisë Socialiste të Kosovës u zgjodh, pa asnjë votë kundër, Emrush Xhemajli.

Mbledhja ka aprovuar projektprogramin e shkurtër të paraqitur dhe ka marrë vendim që të krijohet Komisioni për hartimin e zgjeruar të programit, ku do të përfshihen propozimet dhe sugjerimet e dhëna gjatë diskutimit të projektprogramit.

Mbledhja ka zgjedhur edhe Këshillin e Përgjithshëm të PSK-së, prej 61 vetash. KP do të zgjedhë Kryesinë e PSK-së.

Në mbledhje janë aprovuar edhe një vrag vendimesh të veçanta, si dhe deklarata politike.
 

DEKLARATË POLITIKE E MBLEDHJES SË PËRGJITHSHME

Duke pasur parasysh rrethanat e tashme të veprimit, subjekti ynë i majtë politik Partia Socialiste e Kosovës

1. Do të veprojë për zhvillimin e përshpejtuar ekonomik të vendit dhe për zbutjen e krizës ekonomike e sociale në Kosovë, duke mbrojtur shtresat më të rrezikuara të shoqërisë.

2. Do të jetë e hapur për bashkim me të gjitha subjektet që e ndiejnë veten të majtë.

3. Do të bashkëpunojë e bashkërendojë punën me të majtën e vendit në Kuvendin e Kosovës dhe në asambletë komunale, si dhe në marrëdhëniet e ndërsjella e në veprimtari të përbashkëta me subjektet e majta që pajtohen për veprime të caktuara politike.

4. Do të ndërmarrë nisma dhe do të bashkëpunojë për krijimin e një rrjeti të përbashkët të informimit dhe të veprimit politik rajonal të së majtës.

5. Do të bashkëpunojë në nivel institucional me të gjitha forcat politike të vendit për çështje të interesit të përbashkët: integrimin brendashqiptar, pozitën e barabartë të Kosovës në organizmat ndërkombëtarë, para së gjithash për anëtarësimin e saj në BE, NATO dhe në OKB.

6. Është dhe do të jetë frymëzuese për ne puna që është duke bërë Presidenti i SHBA-së, z. Barak Obama, për shoqërinë bashkëkohore.

7. PSK do të punojë ngushtë me Internacionalen Socialiste për përmbushjen e të gjitha kritereve për anëtarësim në te.

8. PSK mbështet Manifestin e partive Socialiste në Madrid për zgjedhjet e qershorit 2009 për Parlamentin Evropian, ku bëhet orientimi i duhur për daljen nga kriza financiare dhe ekonomike, për çështje të ekologjisë,të ngrohjes globale dhe që në plan të parë ka Njeriun.

Prishtinë, më 30 maj 2009